യുവസംവിധായകനുമായി വിവാഹം കഴിഞ്ഞോ എന്ന് വീട്ടിലേക്ക് ഫോൺ വിളിച്ചുവരെ ആളുകൾ ചോദിച്ചു- അനുപമ

മലയാളികളുടെ പ്രിയപ്പെട്ട നടിയാണ് അനുപമ പരമേശ്വരൻ. പ്രേമം എന്ന ഒറ്റ ചിത്രത്തിലൂടെ ചുരുളൻ മുടിക്കാരിയായ മേരിയായി എത്തി പ്രേക്ഷകരുടെ മനസിൽ കൂടുകൂട്ടിയ നടി. പ്രേമത്തിന്റെ തെലുങ്ക് പതിപ്പിലും അനുപമ അഭിനയിച്ചു. ഇതോടെ തെലുങ്കിൽ വൻ തിരക്കുള്ള നടിയായി അനുപമ മാറി. തമിഴിലും തന്റേതായ സ്ഥാനം അനുപമ നേടി കഴിഞ്ഞു. ഇപ്പോളിതാ റൂമറുകളെക്കുറിച്ച് തുറന്നുപറയുകയാണ് താരം.

വാക്കുകൾ ഇങ്ങനെ, അന്യഭാഷയിലെ യുവസംവിധായകനുമായി വിവാഹം ഉറപ്പിച്ചുവെന്ന തരത്തിലുള്ള ഗോസിപ്പുകളും പ്രചരിച്ചിരുന്നു. വീട്ടിലേക്ക് വിളിച്ചായിരുന്നു ചിലരൊക്കെ ഇതേക്കുറിച്ച് ചോദിച്ചത്. ഞാന്‍ പോലും ഞെട്ടിയിരുന്നു ആ സമയത്ത്. ഇന്‍സ്റ്റഗ്രാമില്‍ എന്റെ ഫോട്ടോ പ്രൊഫൈല്‍ പിക്ചറാക്കിയ ഒരുത്തന്‍ ഐഎംഡിബി വിവരങ്ങള്‍ എഡിറ്റ് ചെയ്ത് ബോയ്ഫ്രണ്ട് എന്ന് അവന്റെ പേര് ചേര്‍ക്കുകയായിരുന്നു. സംവിധായകന്‍, പ്രൊഡ്യൂസര്‍ എന്നൊക്കെയായിരുന്നു സ്വയം വിശേഷിപ്പിച്ചത്. വ്യാജ ഐഡിയായിരുന്നു അത്. ജീവനുള്ള ഒരാളുമായി ബന്ധപ്പെടുത്തി എന്റെ പേര് പറഞ്ഞോളൂ, ഫേക്ക് ഐഡിയുമായി ബന്ധപ്പെടുത്തി പറയുന്നത് വളരെ മോശമാണെന്ന് പറഞ്ഞ് ഞാനൊരു പോസ്റ്റിട്ടിരുന്നു.

പ്രേമം സൂപ്പര്‍ ഹിറ്റ് ആയിരുന്നിട്ടും മലയാളത്തില്‍ നിന്നും തനിക്ക് വലിയ ഓഫറുകള്‍ ഒന്നും വന്നിരുന്നില്ലെന്ന് അടുത്തിടെ താരം തുറന്നുപറഞ്ഞിരുന്നു. 4 വര്‍ഷത്തിന് ശേഷമാണു മലയാളത്തില്‍ സിനിമ ചെയ്യുന്നത്.അധികം സിനിമകളൊന്നും പ്രേമത്തിന് ശേഷം മലയാളത്തില്‍ ലഭിച്ചില്ല.മണിയറയിലെ അശോകനിലേക്ക് വിളിച്ചത് ഗ്രിഗറിയാണ്.കേട്ടപ്പോള്‍ ഒരു ഫീല്‍ഗുഡ് സിനിമയായി തോന്നി.പിന്നീട് ദുല്‍ഖറും സംസാരിച്ചു അങ്ങനെ ഈ സിനിമയുടെ ഭാഗമായി.തെലുങ്കില്‍ ആദ്യം ചെയ്യുന്നത്’ആ ആ’എന്ന സിനിമയായിരുന്നു.ഇതില്‍ നെഗറ്റീവ് വേഷമായിരുന്നു.എന്നാല്‍ ആ കഥാപാത്രം ആളുകള്‍ക്ക് ഇഷ്ടപ്പെട്ടു.അതിനു ശേഷമാണ് പ്രേമത്തിന്റെ റീമേക്ക് ചെയ്യുന്നത്