മേരിയേയും മലറിനേയും നിങ്ങൾക്ക് ഓർമയുണ്ടോ,ചിത്രം പങ്കുവെച്ച് അനുപമ

മലയാള സിനിമയിൽതന്നെ വളരെയധികം വിജയമായി മാറിയ ചിത്രമാണ് നിവിൻ പോളി നായകനായെത്തിയ പ്രേമം.മൂന്ന് നായികമാരാണ് ചിത്രത്തിലൂടെ അരങ്ങേറ്റം കുറിച്ചത്.അനുപമ പരമേശ്വരനും സായി പല്ലവിയും മഡോണ സെബാസ്റ്റ്യനും.അനുപമയും സായി പല്ലവിയും മലയാളത്തിലൂടെയാണ് എത്തിയതെങ്കിലും ഇരുവരും അന്യ ഭാഷയിലാണ് ഹിറ്റായത്.ഇപ്പോൾ തെന്നിന്ത്യൻ സിനിമലോകത്തെ മുൻനിര താരമാണ് ഇരുവരും.എന്നാൽ മലയാളികൾക്ക് ഇപ്പോഴും ഇവർ മേരിയും മലരുമാണ്.ഇപ്പോൾ സോഷ്യൽ മീഡിയയിൽ വൈറലാകുന്നത് ഇരുവരും ഒന്നിച്ചുള്ള ചിത്രമാണ്

അനുപമതന്നെയാണ് ചിത്രം ആരാധകർക്കായി പങ്കുവെച്ചത്.ആരെങ്കിലും മലരിനേയും മേരിയേയും ഓർമിക്കുന്നുണ്ടോ?നിന്നെ സ്നേഹിക്കുന്നു.എപ്പോഴും സ്നേഹിക്കും.ആരാധികയുമാണെന്ന് അനുപമ കുറിച്ചു.ഹാപ്പി മോണിങ് ഹാപ്പി സൺഡേ എന്ന ഹാഷ്ടാ​ഗിലാണ് ചിത്രം.അനുപമയുടെ സ്നേഹത്തിന് മറുപടിയുമായി സായി പല്ലവിയും എത്തി.ഞാനും നിന്നെ സ്നേഹിക്കുന്നു എന്നാണ് താരം കമന്റ് ചെയ്തത്

ആരാധകമാർ ഈ യുവതാരങ്ങളുടെ ചിത്രം ഏറ്റെടുത്തു,സിംപിൾ കാഷ്യൽ ലുക്കിലാണ് ഇരുവരും‌.നായികമായി പ്രശംസിച്ചുകൊണ്ട് നിരവധി കമന്റുകളാണ് വരുന്നത്.പ്രേമത്തിൽ നിവിൻ പോളിയുടെ കഥാപാത്രത്തിന്റെ ആദ്യത്തെ രണ്ട് കാമുകിമാരായാണ് ഇവർ എത്തുന്ന‌ത്