അപര്‍ണക്ക് പ്രൈവറ്റ് ജെറ്റ് ? ‘ബെന്‍സ് തന്നെ വാങ്ങിച്ചതിന്റെ ലോണ്‍ അടച്ചുതീരുന്നേയുള്ളൂ’

മികച്ച നടിക്കുള്ള 68 മത് ദേശിയ അവാര്‍ഡ് നേടിയ നടിയാണ് അപര്‍ണ ബാലമുരളി. സുധ കൊങ്കാര സംവിധാനം ചെയ്ത സൂര്യാ ശിവകുമാര്‍ നായകനായ സുരറൈ പ്രോട് എന്ന സിനിമയിലെ പ്രകടനത്തിലൂടെയാണ് 2020ലെ മികച്ച നടിക്കുള്ള ദേശീയ പുരസ്‌കാരം അപര്‍ണയെ തേടിയെത്തിയത്.

സുറൈ പോട്ര് എന്ന തമിഴ് ചിത്രത്തില്‍ അപര്‍ണ അഭിനയിച്ച ബൊമ്മി എന്ന കഥാപാത്രത്തിനാണ് മികച്ച നടിക്കുള്ള അവാര്‍ഡ് നേടിക്കൊടുത്തത്. 2013ല്‍ സിനിമയില്‍ എത്തിയ അപര്‍ണ ചുരുങ്ങിയ കാലയളവില്‍ തന്നെ ഇന്ത്യ മുഴുവന്‍ അറിയപ്പെടുന്ന നടിയായി മാറിക്കഴിഞ്ഞു. ജെക്സണ്‍ ആന്റണി സംവിധാനം ഒരു സെക്കന്റ് ക്ലാസ്സ് യാത്ര എന്ന ചിത്രത്തിലൂടെയാണ് അഭിനയ രംഗത്തേക്ക് താരം കടന്നു വന്നത്. മഹേഷിന്റെ പ്രതികാരം എന്ന ചിത്രത്തിലൂടെ ഫഹദ് ഫാസിലിന്റെ നായികയായി അഭിനയിച്ചു.

ചിത്രത്തില്‍ അപര്‍ണ അവതരിപ്പിച്ച ജിംസി എന്ന കഥാപാത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിച്ചത്. ഒരു മുത്തശ്ശി ഗദ, സര്‍വ്വോപരി പാലാക്കാരന്‍, തൃശ്ശിവപേരൂര്‍ ക്ലിപ്പ്തം, സണ്‍ഡേ ഹോളിഡേ എന്നിവയാണ് അഭിനയിച്ച മറ്റു ചിത്രങ്ങള്‍.കുഞ്ചാക്കോ ബോബന്‍ നായകനായെത്തുന്ന പദ്മിനിയാണ് അപര്‍ണയുടെ റിലീസിനൊരുങ്ങുന്ന പുതിയ ചിത്രം. പവന്‍കുമാര്‍ സംവിധാനം ചെയ്ത് ഹോംബാലെ ഫിലിംസ് നിര്‍മ്മിച്ച് ഫഹദ് ഫാസില്‍ നായകനായെത്തിയ ധൂമം എന്ന ചിത്രമാണ് അവസാനമായി പുറത്തിറങ്ങിയ അപര്‍ണയുടെ സിനിമ.

സിനിമയുടെ പ്രൊമോഷന്‍ പരിപാടികളില്‍ താരം സജീവമായി പങ്കെടുക്കാറുണ്ട്. അടുത്തിടെ താരം നല്‍കിയ അഭിമുഖത്തില്‍ അപര്‍ണ തന്നെ കുറിച്ച് ഗൂഗിളില്‍ സെര്‍ച്ച് ചെയ്യാറുള്ള കാര്യങ്ങളെ കുറിച്ച് പറഞ്ഞിരുന്നു.സ്വയം ഗൂഗിളില്‍ സെര്‍ച്ച് ചെയ്തുനോക്കിയിട്ടുണ്ടെന്നും പല കാര്യങ്ങളും അതില്‍ കാണുന്നത് തെറ്റായ കാര്യങ്ങളാണെന്നും നടി പറഞ്ഞു. അപര്‍ണക്ക് സ്വന്തമായി ജെറ്റ് ഉണ്ടോന്ന് അവതാരകന്റെ ചോദ്യം.”അയ്യോ…അതും തെറ്റായ വിവരമാണ് പിന്നെ ഞാന്‍ ആരായി ”ബെന്‍സ് തന്നെ വാങ്ങിച്ചതിന്റെ ലോണ്‍ അടച്ചുതീരുന്നേയുള്ളൂ. പ്രൈവറ്റ് ജെറ്റ് ആവുന്നേയുള്ളൂ. ഇത് കേട്ടപ്പോള്‍ ഞെട്ടി. എന്നായിരുന്നു അപര്‍ണയുടെ പ്രതികരണം.