ജീവിതത്തിലെ പുതിയ അതിഥിയെ കുറിച്ച് അപ്‌സര, ആല്‍ബി ഒരു വരവ് കൂടി വരേണ്ടി വരും

മലയാളികളുടെ പ്രിയപ്പെട്ട മിനിസ്‌ക്രീന്‍ താരമാണ് അപ്‌സര. സാന്ത്വനം പരമ്പരയില്‍ ജയന്തി എന്ന കഥാപാത്രമായി എത്തി ഏവരുടെയും ഇഷ്ടം പിടിച്ചുപറ്റിയ താരമാണ് നടി. ആല്‍ബി ഫ്രാന്‍സിസാണ് അപ്‌സരയെ വിവാഹം ചെയ്തത്. വിവാഹ ദിവസം മുതല്‍ ഏറെ അപവാദം ഇരുവര്‍ക്കും കേള്‍ക്കേണ്ടതായി വന്നു. അപ്സര രണ്ട് കെട്ടി, ആദ്യ വിവാത്തില്‍ കുട്ടിയുണ്ട് എന്നൊക്കെയായിരുന്നു കഥകള്‍.

വിവാഹത്തിന് ശേഷവും സോഷ്യല്‍ മീഡിയകളില്‍ അപ്‌സര സജീവമാണ്. താരം പങ്കുവെയ്ക്കുന്ന വിശേഷങ്ങളും മറ്റും ഇപ്പോളും വളച്ചൊടിച്ച് പ്രചരിപ്പിക്കപ്പെടുന്നുണ്ട്. എന്നാല്‍ ഇതിനൊക്കെ അപ്‌സരയും ആല്‍ബിയും മറുപടി നല്‍കാറുണ്ട്. ഇപ്പോള്‍ അപ്‌സരയുടെ പുതിയ ഇന്‍സ്റ്റഗ്രാം പോസ്റ്റാണ് വൈറലാകുന്നത്.

‘അങ്ങനെ ഞങ്ങള്‍ക്കും കിട്ടി അതിയ അതിഥി’ എന്ന് പറഞ്ഞ് കൊണ്ട് ആണ് അപ്സര ഇന്‍സ്റ്റഗ്രാമില്‍ ചില ഫോട്ടോകള്‍ പങ്കുവച്ചത്. ചിത്രത്തില്‍ ഒരു കുഞ്ഞു പൂച്ചക്കുട്ടിയെയും പിടിച്ച് നില്‍ക്കുന്ന നടിയെയാണ് കാണുന്നത്. പൂച്ചകുഞ്ഞിനെയാണ് ജീവിതത്തിലെ പുതിയ അതിഥിയായി അപ്സര സ്വീകരിച്ചിരിയ്ക്കുന്നത്. എന്നാല്‍ അപ്‌സരയ്ക്ക് കുഞ്ഞുണ്ടാവാനുള്ള വേശേഷമായെന്ന് പറഞ്ഞ് ചിത്രത്തിന് താഴെ നിരവധി പേരാണ് കമന്റുമായി എത്തുന്നത്.

ഒരു ചാനല്‍ പ്രോഗ്രാം ഡയറക്ടറാണ് അല്‍ബിന്‍ ഫ്രാന്‍സിസ്. ചാനലില്‍ ഒരു ഷോ ചെയ്തതിലൂടെയാണ് അപ്സര രത്നാകരനും ആല്‍ബിനും തമ്മില്‍ സൗഹൃദത്തിലായത്. വ്യത്യസ്ത മതത്തില്‍പെട്ടവരാണെങ്കിലും വീട്ടുകാരുടെ സമ്മതത്തോടെയാണ് വിവാഹം നടക്കുകയും ചെയ്തു.