വിവാഹാഭ്യര്‍ത്ഥന നടത്തിയ ആള്‍ക്ക് മറുപടി നല്‍കി അര്‍ച്ചന കവി

മലയാളികളുടെ പ്രിയപ്പെട്ട നടിയാണ് അര്‍ച്ചന കവി. ഇപ്പോള്‍ താരം അഭിനയത്തില്‍ അത്ര സജീവമല്ലെങ്കിലും സോഷ്യല്‍ ലോകത്ത് താരം സജീവമാണ്. അടുത്തിടെ തന്റെ സ്വകാര്യ ജീവിതത്തെ കുറിച്ച് തുറന്ന് പറഞ്ഞത് വൈറലായിരുന്നു. വിവാഹമോചനവും ഡിപ്രഷനുമൊക്കെ താരം തുറന്ന് പറഞ്ഞിരുന്നു. ഇപ്പോള്‍ ആരാധകരോട് സംവദിക്കുന്നതിനിടെ ഒരാള്‍ വിവാഹാഭ്യര്‍ത്ഥ നടത്തുകയും ഇതിന് നടി നല്‍കിയ മറുപടിയുമാണ് സോഷ്യല്‍ മീഡിയയില്‍ വൈറല്‍ ആകുന്നത്.

എനിക്ക് നിന്നെ വിവാഹം കഴിക്കണമെന്നുണ്ട് എന്ന് ഒരാള്‍ പറയുമ്പോള്‍, എനിക്ക് എന്നെ തന്നെ വിവാഹം കഴിക്കാന്‍ ആണ് ആഗ്രഹമെന്നായിരുന്നു നടി നല്‍കിയ മറുപടി. മലയാള സിനിമയില്‍ നിന്നും ഇടവേള എടുത്തിരിക്കുന്നത് മനഃപൂര്‍വം അല്ലേ എന്നൊരാള്‍ ചോദിക്കുമ്പോള്‍ സിനിമ എന്നില്‍ നിന്നും ബ്രേക്ക് എടുത്തിരിക്കുകയാണ് പ്രിയപെട്ടവരെ എന്നാണ് നടി മറുപടി നല്‍കിയത്.

സ്റ്റാന്‍ഡപ് കൊമേഡിയനായ അബീഷ് മാത്യുവാണ് അര്‍ച്ചനയെ വിവാഹം ചെയ്തത്. ഇവര്‍ പിന്നീട് പരസ്പര സമ്മതത്തോടെ വേര്‍പിരിയാന്‍ തീരുമാനിക്കുകയായിരുന്നു. തന്റെ വിഷാദാവസ്ഥയായിരുന്നില്ല വേര്‍പിരിയലിന് കാരണം. വ്യത്യസ്തമായ കാര്യങ്ങളാണ് ജീവിതത്തില്‍ വേണ്ടതെന്ന് മനസ്സിലാക്കിയതിനാലാണ് വേര്‍പിരിയാന്‍ തീരുമാനിച്ചതെന്നായിരുന്നു അര്‍ച്ചന പറഞ്ഞത്.