കാളിദാസ് ജയറാമും തരിണിയും ലിവിംഗ് ടുഗെതർ റിലേഷനിലാണോ?

ഓണത്തിന് കാളിദാസ് ജയറാം പങ്കുവെച്ച കുടുംബ ചിത്രം ഏറെ വൈറലായിരുന്നു. നാലംഗ കുടുംബത്തിന്റെ ചിത്രത്തില്‍ അഞ്ചാമത് ഒരാള്‍ കൂടി ഉണ്ടായിരുന്നു എന്നതാണ് ശ്രദ്ധേയം. കാളിദാസിനൊപ്പം ഇരിക്കുന്ന പെണ്‍കുട്ടി മോഡലും 2021ലെ ലിവാ മിസ് ദിവാ റണ്ണറപ്പുമായിരുന്ന തരിണി കലിംഗരായര്‍ ആയിരുന്നു.

വിഷ്വല്‍ കമ്മ്യൂണിക്കേഷന്‍ ബിരുദധാരിയായ തരിണിയും കാളിദാസും അടുത്ത സുഹൃത്തുക്കളാണ്. കുടുംബത്തോടൊപ്പമുള്ള ചിത്രങ്ങള്‍ കാളിദാസ് പതിവായി പങ്കുവെയ്ക്കാറുണ്ടെങ്കിലും ആദ്യമായാണ് കുടുംബത്തൊടൊപ്പം തരിണി കൂടി ചിത്രത്തില്‍ ഇടംനേടുന്നത്. അതും തിരുവോണനാളില്‍ എന്നതാണ് പ്രത്യേകത.

അതിന് ശേഷം ഇപ്പോള്‍ കാളിദാസും തരിണിയും ലിവിംഗ് ടുഗെതര്‍ റിലേഷനിലാണെന്ന അഭ്യൂഹങ്ങളാണ് പ്രചരിച്ചു വരുന്നത്. ചെന്നൈയിലെ ഒരു ഫ്‌ലാറ്റില്‍ നിന്നും ഇരുവരും താരദമ്പതികളെ പോലെ ഒരു ഷോയില്‍ എത്തിയതിന് പിന്നാലെയാണ് അഭ്യൂഹങ്ങള്‍ ശക്തമാവുന്നത്. ഇരുവരും ഒരുമിച്ചുള്ള ചിത്രവും സോഷ്യല്‍ മീഡിയില്‍ പങ്കുവെക്കുകയുണ്ടായി.

സൗത്ത് ഇന്ത്യന്‍ ഫാഷന്‍ അവാര്‍ഡ് ചടങ്ങില്‍ പങ്കെടുക്കാനായാണ് ഇരുവരും ഒരുമിച്ച് എത്തുന്നത്. ഒരുപോലെയുള്ള വസ്ത്രങ്ങളാണ് ഇരുവരും ധരിച്ചിരുന്നത്. ഈ ചിത്രം സോഷ്യല്‍ മീഡിയില്‍ വൈറലായിക്കഴിഞ്ഞിഞ്ഞിരിക്കുകയാണ്.