വീട്ടിൽ ഒമ്പതോളം നായക്കുട്ടികളുണ്ട്,അതിനാൽ സൗഭാ​ഗ്യക്ക് കൊച്ചിയിലേക്ക് വരാൻ സാധിക്കില്ല-അർജുൻ

അഭിനേതാക്കളായ രാജാറാമിന്റെയും താരാ കല്യാണിന്റെയും മകളാണ് സോഷ്യൽ ലോകത്തിന്റെ താരറാണിയായ സൗഭാഗ്യ.അടുത്തിടെയാണ് അർജുനനുമായുള്ള താരത്തിന്റെ ആ​ഘോഷമായ വിവാഹം നടന്നത്.താര കല്യാണും സൗഭാ​ഗ്യയും അർജുനനും നൃത്തത്തിൽ സജീവമാണ്.ഫെബ്രുവരി 19,20 തീയ്യതികളിലാണ് സൗഭാഗ്യയുടെ വിവാഹം നടന്നത്.ഹിന്ദു തമിഴ് ബ്രാഹ്മിണ ആചാര പ്രകാരമായിരുന്നു ചടങ്ങുകൾ.

ഗുരുവായൂർ അമ്പലത്തിൽ വെച്ച്‌ താലികെട്ട് നടത്തി.മാല മാറ്റൽ,ഊഞ്ഞാൽ എന്നീ ചടങ്ങുകൾ ഹോട്ടലിൽ വെച്ചും നടത്തി.വിവാഹത്തിന് മുന്നോടിയായി ഹൽദി ആഘോഷവും വിപുലമായി നടത്തിയിരുന്നു.ചക്കപ്പഴം എന്ന പരമ്പരയിലൂടെ അഭിനയത്തിലേക്ക് ചുവടുവെച്ചിരിക്കുകയാണ് അർജുൻ.ഡിഗ്രി കഴിഞ്ഞ് ടെക്നോപാർക്കിലെ ജോലിയുണ്ടായിരുന്നതും ഉപേക്ഷിച്ചാണ് ടാറ്റൂ ആർട്ടിസ്റ്റായും നർത്തകനായും അർജ്ജുൻ മാറിയത്.ചെറുതിലെ മുതൽ തന്നെ താരാകല്യാണിന്റെ ഡാൻസ് സ്‌കൂളിലാണ് അർജ്ജുൻ ഭരതനാട്യം ഉൾപെടെയുളളവ പഠിച്ചത്.ഡാൻസ് സ്‌കൂളും ടാറ്റൂ സ്റ്റുഡിയോയും അർജ്ജുൻ നടത്തുന്നുണ്ട്.

പരമ്പരയിൽ അഭിനയിക്കുന്നതിന്റെ സന്തോഷമുണ്ടെങ്കിലും മറ്റൊരു ദുഖത്തിലാണ് അർജുൻ.ഷൂട്ടിങ്ങ് കൊച്ചിയിൽ നടക്കുന്നതിനാൽ സൗഭാഗ്യയെ പിരിഞ്ഞുനിൽക്കുന്ന സങ്കടത്തിലാണ് അർജ്ജുൻ.വിവാഹം കഴിഞ്ഞതിന് പിന്നാലെയായിരുന്നു ലോക്ഡൗൺ എത്തിയത്.നിരവധി ഹണിമൂൺ യാത്രകൾ പ്ലാൻ ചെയ്തെങ്കിലും എല്ലാം പൊളിഞ്ഞു.അർജ്ജുുന് ഷൂട്ടിങ്ങ് കൊച്ചിയിലുമായതോടെ സൗഭാഗ്യ തിരുവനന്തപുരത്ത് തനിച്ചായി.വീട്ടിൽ 9ഓളം നായ്ക്കുട്ടികളാണ് ഉള്ളത്.അവരുടെ കാര്യങ്ങൾ നോക്കേണ്ടതിനാൽ സൗഭാഗ്യക്ക് അർജ്ജുനടുത്തേക്കും പോകാൻ സാധിച്ചിട്ടില്ല.

വിവാഹശേഷം നിരവധി യൂട്യൂബ് ചാനലുകളിൽ ഇവരുടെ അഭിമുഖം വന്നിരുന്നു.അതിലെ അർജ്ജുന്റെ തിരുവനന്തപുരം സ്ലാങ്ങിലുള്ള സംസാരം കേട്ടാണ് ചക്കപ്പഴത്തിലെ ശിവനാകാൻ അർജ്ജുന് ഓഫർ ലഭിച്ചത്.അഭിനയത്തിനോട് താൽപര്യമില്ലെങ്കിലും സൗഭാഗ്യയുടെയും നടിയായ അമ്മായിയമ്മ താരകല്യാണിന്റെയും പ്രോൽസാഹനമാണ് അർജ്ജുനെ ശിവനാക്കിയത്.