തുളസി മാല കഴുത്തിലണിഞ്ഞ് ചിന്നുവിനെ ചേര്‍ത്ത് പിടിച്ച് അര്‍ജുന്‍

മലയാളികളുടെ പ്രിയപ്പെട്ട നടനും നര്‍ത്തകനുമാണ് അര്‍ജുന്‍ സോമശേഖരന്‍. സൗഭാഗ്യ വെങ്കിടേഷിന്റെ ഭര്‍ത്താവാണ് താരം. സൗഭാഗ്യയുടെ ടിക് ടോക്ക് വീഡിയോകളിലും റീല്‍സിലുമൊക്കെ അര്‍ജുനും സജീവമായിരുന്നു. നീണ്ട കാലത്തെ പ്രണയത്തിനൊടുവിലാണ് ഇരുവരും വിവാഹിതര്‍ ആയത്. സൗഭാഗ്യയുടെ അമ്മ താര കല്യാണിന്റെ ഡാന്‍സ് സ്‌കൂളിലെ വിദ്യാര്‍ഥിയായിരുന്നു അര്‍ജുന്‍. വിവാഹ ശേഷം തക്കപ്പഴം എന്ന പരമ്പരയിലൂടെയാണ് അര്‍ജുന്‍ അഭിനയ രംഗത്ത് എത്തുന്നത്. എന്നാല്‍ പിന്നീട് പിന്മാറി. അടുത്തിടെ ഉരുളക്ക് ഉപ്പേരി എന്ന സീരിയലിലൂടെ വീണ്ടും അഭിനയത്തില്‍ സജീവമായിരിക്കുകയാണ് അര്‍ജുന്‍.

ഉരുളക്ക് ഉപ്പേരിയില്‍ രാമനുണ്ണിയെന്നാണ് അര്‍ജുന്‍ അവതരിപ്പിക്കുന്ന കഥാപാത്രത്തിന്റെ പേര്. ഇപ്പോള്‍ കുട്ടിക്കാലം മുതല്‍ സ്‌നേഹിക്കുന്ന ചിന്നുവിനെ വിവാഹം ചെയ്തിരിക്കുകയാണ് രാമനുണ്ണി. ആര്‍ജെയായ അഞ്ജലിയാണ് ചിന്നുവെന്ന കഥാപാത്രത്തെ അവതരിപ്പിക്കുന്നത്. ഇപ്പോള്‍ ഏറെ നാളായുള്ള ആഗ്രഹം പോലെ തന്നെ രാമനുണ്ണി ചിന്നുവിനെ വിവാഹം ചെയ്തിരിക്കുകയാണ്. ഇരുവരുടേയും വിവാഹ ചിത്രം അര്‍ജുനും അഞ്ജലിയും സോഷ്യല്‍മീഡിയയില്‍ പങ്കുവെച്ചു. തുളസി മാല അണിഞ്ഞ് ചന്ദനകുറിതൊട്ട് ചിന്നുവിന്റെ കൈ പിടിച്ച് നില്‍ക്കുന്ന രാമനുണ്ണിയാണ് ചിത്രത്തിലുള്ളത്. വളരെ പെട്ടെന്നാണ് ചിത്രം വൈറലായി മാറിയത്.

നവംബര്‍ 29 നാണ് അര്‍ജുന്റെയും സൗഭാഗ്യയുടെയും ജീവിതത്തിലേക്ക് കുഞ്ഞഥിതി എത്തിയത്. സുദര്‍ശന എന്നാണ് ഇവര്‍ മകള്‍ക്ക് നല്‍കിയ പേര്. കുഞ്ഞിന്റെ ഓരോ വിശേഷങ്ങളും താരദമ്പതികള്‍ സമൂഹമാധ്യമങ്ങളില്‍ പങ്കുവയ്ക്കാറുണ്ട്. അടുത്തിടെ മകളുടെ നൂലുക്കെട്ട് ചടങ്ങില്‍ നിന്നുള്ള ചിത്രങ്ങള്‍ പങ്കുവച്ചിരുന്നു സൗഭാഗ്യ. അടുത്തിടെയാണ് കുടുംബത്തിലെ നാല് തലമുറകള്‍ക്കാപ്പമുള്ള ഫോട്ടോഷൂട്ടിന്റെ വിശേഷം സൗഭാഗ്യ പങ്കുവെച്ചത്. അമ്മ താരാ കല്യാണിനും മുത്തശ്ശി സുബ്ബലക്ഷ്മിയമ്മയ്ക്കും ഒപ്പമുള്ള സൗഭാഗ്യയുടെയും മകളുടേയും കിടിലന്‍ ഫോട്ടോകളാണ് പുറത്തുവന്നത്. ചിത്രങ്ങള്‍ വളരെ പെട്ടെന്ന് വൈറലായി മാറിയിരുന്നു.