അവരുടെ ദാമ്പത്യ ജീവിതം കണ്ട് അസൂയപ്പെട്ടിട്ടുണ്ട്- അനു സിതാര

വിവാഹശേഷം അഭിനയത്തിലേക്ക് എത്തിയ മലയാളികളുടെ പ്രിയ താരമാണ് അനു സിതാര. ചുരുങ്ങിയ സമയം കൊണ്ടാണ് അനു പ്രേക്ഷകരുടെ ഇടയിൽ തൻ്റേതായ ഇടം കണ്ടെത്തിയത്. ശാലീനതയുടെ പര്യായമാണെങ്കിലും വേറിട്ട മോഡേൺ വേഷങ്ങളിലും നടി തിളങ്ങിയിട്ടുണ്ട്. മലയാള സിനിമയിൽ ഏറെ ഭംഗിയുള്ള നടി എന്ന് യുവനടൻ ഉണ്ണി മുകുന്ദൻ പോലും വിശേഷിപ്പിച്ചിട്ടുണ്ട് നടിയെ. വിവാഹത്തിനുശേഷം അഭിനയത്തിലേക്ക് പ്രവേശിച്ചതുകൊണ്ട് താരത്തിന്റെ വിവാഹവിശേഷങ്ങളറിയാൻ ആരാധകർക്കും ആ​ഗ്രഹമുണ്ട്.. 2015 ൽ ആണ് ഫാഷൻ ഫോട്ടോ ഗ്രാഫർ ആയ വിഷ്ണുവിനെ അനു സിതാര പ്രണയിച്ചു വിവാഹം കഴിക്കുന്നത്.

സിനിമയിലെ താരദമ്പതികളിൽ ഏറ്റവും ഇഷ്ടം ജ്യോതികയേയും സൂര്യയേയും ആണെന്ന് അനു തുറന്ന് പറഞ്ഞത് സോഷ്യൽ മീഡിയയിൽ വീണ്ടും വൈറലാകുന്നു. ജ്യോതികയ്ക്ക് സൂര്യ നൽകുന്ന പിന്തുണയും തിരിച്ച് ജോയുടെ സപ്പോർട്ടിനെക്കുറിച്ചുമൊക്കെ കാണുമ്പോാഴാണ് ശരിക്കും അവരോട് അസൂയ തോന്നുന്നത് അനു സിത്താര പറഞ്ഞു. സ്‌ക്രീനിൽ മാത്രമല്ല ജീവിതത്തിലും മികച്ച കെമിസ്ട്രിയുമായാണ് സൂര്യയും ജ്യോതികയും മുന്നേറുന്നത്.

2013 ൽ ഇറങ്ങിയ പൊട്ടാസ് ബോംബ് എന്ന ചിത്രത്തിൽ കൂടിയാണ് അനു സിതാര എന്ന താരം അഭിനയ ലോകത്തിലേക്ക് എത്തുന്നത്. സർക്കാർ ജീവനക്കാരനും ഒരു നാടകപ്രവർത്തകനുമായ അബ്ദുൾ സലാമിന്റെയും നർത്തകിയായ രേണുകയുടെയും മകളായി വയനാട്ടിൽ ജനിച്ചു. എട്ടാം ക്ലാസ്സ് മുതൽക്ക് കലാമണ്ഡലത്തിൽ ചേർന്ന് മോഹിനിയാട്ടം അഭ്യസിച്ചു. അഭിനയത്തിനൊപ്പം മികച്ച നർത്തകി കൂടിയാണ് അനു സിതാര. വിവാഹ ശേഷം സിനിമയിൽ ശോഭിച്ച നായിക നിരയിൽ ശ്രദ്ധേയമായ വേഷങ്ങൾ ചെയ്തു കൊണ്ട് ഇരിക്കുന്ന താരം ആണ് അനു സിതാര.