പാര്‍വതിയെ ചേര്‍ത്ത് നിര്‍ത്തി പ്രണയാതുരമായി അരുണ്‍, വൈറലായി ചിത്രങ്ങള്‍

മലയാള മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട നടിയാണ് പാര്‍വതി വിജയ്. കുടുംബവിളക്ക് സീരിയലിലൂടെയാണ് നടി ഏറെ ശ്രദ്ധിക്കപ്പെട്ടത്. അടുത്തിടെയാണ് പാര്‍വതിയുടെ വിവാഹം കഴിഞ്ഞത്. സീരിയല്‍ നടി മൃദുല വിജയിയുടെ അനുജത്തിയായ പാര്‍വതി, ചേച്ചിയുടെ പാത പിന്തുടര്‍ന്ന് സീരിയലില്‍ എത്തുകയായിരുന്നു. കുടുംബവിളക്കിലെ ശീതള്‍ എന്ന കഥാപാത്രത്തെ മാത്രമേ അവതരിപ്പിച്ചുള്ളൂ എങ്കിലും കുറഞ്ഞ കാലം കൊണ്ട് പാര്‍വതി ഏറെ ശ്രദ്ധിക്കപ്പെട്ടു.

അഭിനയം തുടങ്ങിയ ആദ്യ നാളുകളിലാണ് പാര്‍വതി ക്യാമറാമാനായി പ്രവര്‍ത്തിച്ചിരുന്ന അരുണിനെ കാണുന്നതും പരിചയപ്പെടുന്നതും. വൈകാതെ ഇവര്‍ പ്രണയത്തിലുമായി. തുടര്‍ന്ന് മൂന്ന് മാസത്തെ പ്രണയത്തിനൊടുവില്‍ ഇവര്‍ വിവാഹിതരുമായി. തുടക്കത്തില്‍ വീട്ടുകാരുടെ സമ്മതം ലഭിക്കാതിരുന്നതിനെ തുടര്‍ന്ന് രഹസ്യമായിട്ടായിരുന്നു വിവാഹം. പ്രശ്‌നങ്ങള്‍ അധികം വൈകാതെ പരിഹരിക്കുകയും പാര്‍വതി വീട്ടിലേക്ക് തിരികെ എത്തുകയും ചെയ്തു. കഴിഞ്ഞ ജിവസം പാര്‍വതിയുടെ സഹോദരിയും നടിയുമായി മൃദുലയുടെ വിവാഹ നിശ്ചയില്‍ തിളങ്ങിയത് പാര്‍വതിയും ഭര്‍ത്താവന് അരുണും ആയിരുന്നു.

ഇപ്പോള്‍ സോഷ്യല്‍ മീഡിയകളിലൂടെ അരുണ്‍ പങ്കുവെച്ച ഫോട്ടോ ശ്രദ്ധേയമായി. പാര്‍വതിയെ ചേര്‍ത്ത് നിര്‍ത്തി പ്രണയാതുരമായി നില്‍ക്കുന്ന ചിത്രമാണ് അരുണ്‍ പങ്കുവെച്ചത്. ‘ഞാന്‍ എന്റെ ഹൃദയത്തെ പിന്തുടരുമ്പോള്‍ അത് നിന്നിലേക്കാണ് എത്തുന്നത്’ എന്നാണ് താരം ഇതിന് ക്യാപ്ഷനായി കൊടുത്തിരിക്കുന്നത്. ലവ് യൂ മൈ ബേബി എന്ന് പാര്‍വതി അരുണിന്റെ പോസ്റ്റിന് കമന്റും ചെയ്തിട്ടുണ്ട്.

നിരവധി പേരാണ് ചിത്രത്തിന് താഴെ താരമ്പതികള്‍ക്ക് ആശംസ അറിയിക്കുന്നത്. മാത്രമല്ല പാര്‍വതിയോട് അഭിനയത്തിലേക്ക് തിരികെ വരണമെന്നുള്ള അപേക്ഷകളും ഒരു സൈഡിലുണ്ട്. താല്‍പര്യത്തോടെയല്ല താന്‍ അഭിനയിക്കാന്‍ വന്നതെന്നും ഇനി അഭിനയിക്കുന്നില്ലെന്നും വിവാഹശേഷം പാര്‍വതി പറഞ്ഞിരുന്നു. മുടങ്ങി പോയ പഠനം വീണ്ടും തുടരണമെന്നതാണ് തന്റെ ആഗ്രഹമെന്നും നടി നേരത്തെ വ്യക്തമാക്കിയിരുന്നു.