കെജ്‌രിവാളിന്റെ കുത്തിയിരിപ്പ് സമരം ഏഴാം ദിവസത്തിലേക്ക്; പ്രധാനമന്ത്രിയുടെ ഓഫീസിലേക്ക് ഇന്ന് എഎപി മാര്‍ച്ച്

അതിരപ്പിള്ളി: മുഖ്യമന്ത്രി അരവിന്ദ് കെജ്‍രിവാൾ നടത്തുന്ന സമരത്തിന് പിന്തുണ അറിയിച്ച് കോണ്‍ഗ്രസ് ഇതര പ്രതിപക്ഷ പാര്‍ട്ടികളിലെ മുഖ്യമന്ത്രിമാരുടെ രാഷ്ട്രീയ നീക്കം. രാത്രി കെജ്‍രിവാളിന്റെ വസതിയിലെത്തിയ മുഖ്യമന്ത്രിമാര്‍ സമരം അവസാനിപ്പിക്കാൻ കേന്ദ്രം നടപടിയെടുക്കണമെന്ന് ആവശ്യപ്പെട്ടു. പ്രതിഷേധങ്ങളുടെ ഭാഗമായി ഇന്ന് പ്രധാനമന്ത്രി നരേന്ദ്രമോദിയുടെ വസതിയിലേക്ക് മാര്‍ച്ച് നടത്തുമെന്ന് എഎപി നേതാക്കള്‍ അറിയിച്ചു.

ലഫ്റ്റനന്റ് ഗവര്‍ണറുടെ വസതിയിലെ സ്വീകരണമുറിയിലാണു കേജരിവാളിനൊപ്പം ഉപമുഖ്യമന്ത്രി മനീഷ് സിസോദിയ, ആരോഗ്യമന്ത്രി സത്യേന്ദ്ര ജയിന്‍, വികസനകാര്യ മന്ത്രി ഗോപാല്‍ റായി എന്നിവര്‍ കുത്തിയിരിപ്പു സമരം നടത്തുന്നത്. വൈദ്യുതി-കുടിവെള്ള ക്ഷാമം, അന്തരീക്ഷ മലിനീകരണം തുടങ്ങി ഗുരുതര പ്രശ്‌നങ്ങളില്‍ ഡല്‍ഹി ജനത വീര്‍പ്പുമുട്ടുന്നതിനിടെയാണു അധികാരത്തര്‍ക്കത്തിന്റെ പിടിവാശികളില്‍ സംസ്ഥാനത്ത് ഭരണ പ്രതിസന്ധി തുടരുന്നത്.