മുഖ്യ സാമ്പത്തിക ഉപദേഷ്ടാവ് അരവിന്ദ് സുബ്രഹ്മണ്യന്‍ രാജിവച്ചു

കേന്ദ്രസര്‍ക്കാരിന്റെ മുഖ്യ സാമ്പത്തിക ഉപദേഷ്ടാവ് അരവിന്ദ് സുബ്രഹ്മണ്യന്‍ സ്ഥാനമൊഴിഞ്ഞു. വ്യക്തിപരമായ കാരണങ്ങള്‍ ചൂണ്ടിക്കാട്ടിയാണ് രാജിയെന്ന് കേന്ദ്ര ധനകാര്യമന്ത്രി മന്ത്രി അരുണ്‍ ജയ്റ്റ്ലി രാജി വിവരം പുറത്തുവിട്ടു കൊണ്ട് പ്രതികരിച്ചു. തന്റെ ഫേസ്ബുക്ക് അക്കൗണ്ടിലായിരുന്നു ജയ്റ്റ്ലിയുടെ പ്രതികരണം.

ദിവസങ്ങള്‍ക്ക് മുന്‍പ് താനുമായി നടത്തിയ വീഡിയോ കോണ്‍ഫറന്‍സില്‍ കുടുംബപരമായി വളരെ പ്രധാനപ്പെട്ട ചല കടമകള്‍ നിര്‍വഹിക്കേണ്ടതിനാല്‍ യുഎസിലേക്ക് മടങ്ങാന്‍ അരവിന്ദ് സുബ്രഹ്മണ്യന്‍ താല്‍പര്യപ്പെട്ടതായും ജയ്റ്റ്‌ലി കുറിപ്പില്‍ പറയുന്നു. തീര്‍ത്തും വ്യക്തിപരമായ കാരണങ്ങളായതിനാല്‍ അരവിന്ദ് സുബ്രഹ്മണ്യന്റെ ആവശ്യം അംഗീകരിക്കുകയായിരുന്നെന്നും ജയ്റ്റ്‌ലി അറിയിച്ചു.