ഡൽഹി കോൺഗ്രസ് അദ്ധ്യക്ഷൻ രാജി വയ്ച്ച് ബിജെപിയിൽ ചേർന്നു

ഡൽഹി കോൺഗ്രസ് അദ്ധ്യക്ഷൻ പദവി രാജി വയ്ച്ച് ബിജെപിയിൽ ചേർന്നു. ഇലക്ഷന്റെ പ്രചരണത്തിനിടെയാണ്‌ ദില്ലിയിൽ കോൺഗ്രസിന്റെ നായകനെ തന്നെ നഷ്ടപെടുന്നത്.ഡൽഹി കോൺഗ്രസ് അധ്യക്ഷസ്ഥാനം രാജിവച്ച് അരവിന്ദർ സിംഗ് ലൗലി ഭാരതീയ ജനതാ പാർട്ടിയിൽ ചേർന്നത്.

എഎപിയുമായുള്ള സഖ്യം കാരണമായി ചൂണ്ടിക്കാട്ടി ലൗലി കോൺഗ്രസ് സംസ്ഥാന അധ്യക്ഷ സ്ഥാനം രാജിവച്ചിരുന്നു. അഴിമതിയുടെ പേരിൽ ആം ആദ്മി പാർട്ടി കോൺഗ്രസിനെ കുറ്റപ്പെടുത്തിയിട്ടും പഴയ പാർട്ടി അവരുമായി സഖ്യമുണ്ടാക്കിയെന്നും അദ്ദേഹം പറഞ്ഞു.
ബിജെപിയുടെ ബാനറിന് കീഴിലും പ്രധാനമന്ത്രിയുടെ നേതൃത്വത്തിലും ഡൽഹിയിലെ ജനങ്ങൾക്ക് വേണ്ടി പോരാടാൻ ഞങ്ങൾക്ക് അവസരം ലഭിച്ചിട്ടുണ്ട്, ലൗലി പറഞ്ഞു.

“എനിക്ക് പൂർണ്ണ പ്രതീക്ഷയുണ്ട്, രാജ്യത്ത് ബിജെപി സർക്കാർ വൻ ഭൂരിപക്ഷത്തോടെയാണ് രൂപീകരിക്കുന്നത് എന്നതിൽ സംശയമില്ല. വരും ദിവസങ്ങളിൽ ദില്ലിയിലും ബിജെപിയുടെ കൊടി പാറും,” അദ്ദേഹം കൂട്ടിച്ചേർത്തു.

കേന്ദ്രമന്ത്രി ഹർദീപ് സിങ് പുരിയുടെയും പാർട്ടി ദേശീയ ജനറൽ സെക്രട്ടറി വിനോദ് താവ്‌ഡെയുടെയും സാന്നിധ്യത്തിലാണ് അദ്ദേഹം ബിജെപിയിൽ ചേർന്നത്. ഡൽഹി സർക്കാരിലെ ക്യാബിനറ്റ് മന്ത്രി രാജ് കുമാർ ചൗഹാൻ ഉൾപ്പെടെ ഏതാനും കോൺഗ്രസ് നേതാക്കളും പാർട്ടിയിൽ ചേർന്നു.