തമിഴ്നാട് സ്വദേശിയാണെങ്കിലും മലയാളികള്ക്ക് ഏറെ പ്രിയപ്പെട്ട നടനാണ് അശ്വിന്. ജേക്കബിന്റെ സ്വര്ഗരാജ്യം എന്ന ചിത്രത്തിലൂടെയാണ് താരം മലയാളികള്ക്ക് സുപരിചിതനായത്. പിന്നീട് നിരവധി മലയാളം ചിത്രങ്ങളില് താരം അഭിനയിച്ചു. അഭിനയം മാത്രമല്ല മിമിക്രി, ഡാന്സ് എന്നിവയിലും അശ്വിന് കൈയ്യടി നേടിയിട്ടുണ്ട്. മുച്ചുണ്ടുമായിട്ടായിരുന്നു അശ്വിന്റെ ജനനം. മുഖത്ത് പല സര്ജറികള് ചെയ്തു. എന്നാല് ആ വെല്ലുവിളികളെയെല്ലാം താരം അതിജീവിക്കുകയായിരുന്നു. ഇപ്പോള് താന് നേരിട്ട വെല്ലുവിളികളെക്കുറിച്ചും സിനിമാ ജീവിതത്തെക്കുറിച്ചുമൊക്കെ ഒരു മാഗസിന് നല്കിയ അഭിമുഖത്തില് മനസ് തുറന്നിരിക്കുകയാണ് അശ്വിന്.
എന്റെ ആത്മവിശ്വാസത്തിന്റെ പകുതിയും കമല് സാറില് നിന്ന് കടമെടുത്തതാണെന്ന് പറയേണ്ടി വരും. എന്റെ രൂപവും സംസാരവും മെച്ചപ്പെടുത്തിയെടുക്കാന് ഡോക്ടര് വെങ്കടസ്വാമിയും ഡോക്ടര് രമേഷും നന്നായി കഷ്ടപ്പെട്ടിട്ടുണ്ട്. പകുതി അവരുടെ കഠിനാധ്വാനത്തിന്റെ ഫലമാണ. വളരെ അവ്യക്തമായിട്ടാണ് മുമ്പൊക്കെ സംസാരിച്ചിരുന്നത്. ഇന്ന് പലരുടേയും ശബ്ദം അനുകരിക്കാനും പല ഭാഷകള് സംസാരിക്കാനും ഇങ്ങനെ അഭിമുഖങ്ങള് തരാനുമൊക്കെ കഴിയുന്ന ഒരാളായി ഞാന് മാറുമെന്ന് ഒട്ടും കരുതിയിരുന്നില്ല. ആഗ്രഹങ്ങള്ക്ക് വേണ്ടി അധ്വാനിച്ചു അത്രമാത്രമാണ്.
കോളേജിലെത്തിയ സമയത്താണ് ആദ്യമായി പെണ്കുട്ടികള്ക്കൊപ്പം പഠിക്കുന്നത്. അന്ന് നന്നേ കോംപ്ലെക്സ് തോന്നാന് തുടങ്ങിയെന്നും താരം പറയുന്നു. തന്റെ കുറവുകളെക്കുറിച്ചൊക്കെ കൂടുതല് ശ്രദ്ധിക്കുമായിരുന്നുവെന്നും താരം ഓര്ക്കുന്നു. എന്നാല് പിന്നീട് കമല് സാറിന്റെ ഛായയുണ്ടെന്ന് കോംപ്ലിമെന്റ് കിട്ടുമ്ബോള് അതില് പിടിച്ച് കോംപ്ലെക്സില് നിന്നും കരകയറുമായിരുന്നു. എന്തെങ്കിലും കുറവുണ്ടെന്ന് തോന്നിയാല് അതില് ഇരട്ടി മികവ് നേടണമെന്ന് വാശി തോന്നിയിരുന്നു തനിക്കെന്നാണ് അശ്വിന് പറയുന്നത്. അങ്ങനെയാണ് അശ്വിന് പല ഭാഷകളും പഠിച്ചെടുക്കുന്നത്. ഡാന്സും പാട്ടുമൊക്കെയായി ആത്മവിശ്വാസം നേടിയെടുക്കായയായിരുന്നു താന് പതിയെ.
കുട്ടിക്കാലം മുതല് തന്നെ സിനിമ കാണുമായിരുന്നുവെന്നും അഭിനയിക്കാനുള്ള മോഹം ആരംഭിക്കുന്നത് പ്ലസ്-പ്ലസ് ടു കാലത്തായിരുന്നു. പിന്നീട് കോളേജിലേക്ക് എത്തുമ്പോള് മനസില് അഭിനേതാവകണമെന്ന ആഗ്രഹം വേരുറച്ചിരുന്നു. അതേസമയം തന്റെ മലയാളം പലര്ക്കും അമ്പരപ്പാണ്. മാതൃഭാഷയായ തമിഴിനേക്കാള് കൂടുതല് മലയാളത്തിലാണ് അഭിനയിച്ചിട്ടുള്ളത്. തന്റെ നല്ല മലയാളത്തിന്റെ കാരണം കുട്ടുകാര് ആണ്. തമിഴില് രണ്ട് സിനിമകള് മാത്രമേ ചെയ്തിട്ടുള്ളൂ. ഇപ്പോള് അഭിനയിക്കുന്ന സര്ദാര് ആണ് മൂന്നാമത്തെ സിനിമ. മലയാളത്തില് ഇനിയും അഭിനയിക്കണമെന്നുണ്ട്. അതിനാല് മലയാളം മെച്ചപ്പെടുത്താന് പഠിച്ചു കൊണ്ടിരിക്കുകയാണ്.
അച്ഛനും അമ്മയുമെല്ലാം തമിഴരാണ്. തനിക്ക് മാത്രമാണ് മലയാളവുമായി ബന്ധമുത്. തമിഴിനും മലയാളത്തിനും പുറമെ ഹിന്ദിയും സംസാരിക്കും. ദുബായിലായിരുന്നു പഠിച്ചത്. ഈ കാലം പല ഭാഷകള് പഠിക്കാന് തന്നെ സഹായിച്ചിട്ടുണ്ട്. അച്ഛനും അമ്മയും ദുബായിലാണുള്ളത്. അച്ഛന് അവിടെ ബിസിനസുണ്ട്. ഭാര്യ സുഷ്മിതയും രണ്ട് മക്കളും ചെന്നൈയിലാണുള്ളത്. മൂത്ത മകന് അഖിലേഷും രണ്ടാമത്തെ വീരരാഘവുമാണ്. കുട്ടികള് തന്നെ അപ്പാച്ചുവെന്നാണ് വിളിക്കുന്നത്. താനൊക്കെ കോളേജ് കാലത്താണ് സ്വന്തം കഴിവ് തിരിച്ചറിയുന്നത്. വളര്ത്തിയെടുക്കുന്നതുമെങ്കില് ഇപ്പോഴത്തെ കുട്ടികള് ചെറുപ്പത്തില് തന്നെ കഴിവുള്ളവരാണ്. മകന് ആഹായിലെ വലിയെടാ ഡയലോഗൊക്കെ പറഞ്ഞ് അഭിനയിക്കാറുണ്ട്.
പാർലമെന്റിൽ സത്യപ്രതിജ്ഞയ്ക്കിടെ ജയ് പലസ്തീൻ മുദ്രാവാക്യം വിളിച്ച എം.പി. അസദുദ്ദീൻ ഒവൈസിയെ ലോക്സഭയിൽ നിന്നും പുറത്താക്കണം എന്ന് ആവശ്യപ്പെട്ട് രാഷ്ട്രപതി…
തിരുവനന്തപുരം: തിരുവനന്തപുരത്ത് ക്വാറി ഉടമയുടെ കൊലപാതകത്തിനുശേഷം മുങ്ങിയ പ്രതി അമ്പിളിയെ തമിഴ്നാട് പൊലീസ് അറസ്റ്റ് ചെയ്തു. എന്നാൽ കൃത്യം നടത്തിയത്…
അന്തരിച്ച മഹാ നടൻ തിലകന്റെ കാലുകളും നെഹ്രുവുമായി ഒരു ബന്ധം ഉണ്ട്. ഒരു പക്ഷെ കൃത്യമായ ആ ഇടപെടല് നെഹ്രുവിന്റെ…
കൊച്ചി: വിവാദമായ പന്തീരാങ്കാവ് ഗാർഹിക പീഡനക്കേസ് റദ്ദാക്കരുതെന്ന് പൊലീസ് ഹൈക്കോടതിയിൽ അറിയിച്ചു. പരാതിക്കാരിയായ യുവതി മൊഴി മാറ്റിയത് പ്രതി രാഹുലിന്റെ…
തിരുവനന്തപുരം: കേരളത്തില് അതിശക്തമായി മഴ തുടരുമെന്ന് കാലാവസ്ഥാ മുന്നറിയിപ്പ്. കേരള തീരത്ത് പടിഞ്ഞാറന്, തെക്ക് പടിഞ്ഞാറന് കാറ്റ് ശക്തമാണ്. അടുത്ത…
പ്രിഥ്വിരാജ് സംവിധാനം ചെയ്ത ബ്രോ ഡാഡി സിനിമയുടെ സെറ്റിൽ വെച്ച് യുവ നടിയെ പീഢിപ്പിച്ച് ദൃശ്യങ്ങൾ പകർത്തിയ സഹ സംവിധായകനെ…