ബിഗ്‌ബോസ് സീസണ്‍ 3യില്‍ മെയിന്‍ അട്രാക്ഷന്‍ ലാലേട്ടന്‍ ആണെന്ന് അശ്വതി

ബിഗ്‌ബോസ് സീസണ്‍ 3യില്‍ മെയിന്‍ അട്രാക്ഷന്‍ ലാലേട്ടന്‍ ആണെന്ന് സീരിയല്‍ താരം അശ്വതി. കഴിഞ്ഞ സീസണുകളില്‍ കാണാത്ത ഒരു ലാലേട്ടനെ ഞങ്ങള്‍ക്ക് ഈ സീസണ്‍ തന്നു എന്ന് തന്നെ പറഞ്ഞെ പറ്റു എന്ന് അശ്വതി സോഷ്യല്‍മീഡിയയില്‍ കുറിച്ചു. ബിഗ്‌ബോസ് എല്ലാ എപ്പിസോഡും മുടങ്ങാതെ കാണുകയും കൃത്യമായി അഭിപ്രായം രേഖപ്പെടുത്തുകയും ചെയ്യുന്ന വ്യക്തിയാണ് അശ്വതി.

അശ്വതിയുടെ കുറിപ്പ്: ‘ബിഗ് ബോസ് മലയാളം സീസണ്‍ 3. സത്യം പറയാലോ. കോണ്ടെസ്റ്റന്റ്സ് അല്ലാ ഇപ്രാവശ്യത്തെ മെയിന്‍ അട്രാക്ഷന്‍, ലാലേട്ടന്‍ ആണ്. എനിക്ക് അങ്ങനെ ആണ് തോന്നിയത്. കഴിഞ്ഞ സീസണുകളില്‍ കാണാത്ത ഒരു ലാലേട്ടനെ ഞങ്ങള്‍ക്ക് ഈ സീസണ്‍ തന്നു എന്ന് തന്നെ പറഞ്ഞെ പറ്റു. ബഹളങ്ങള്‍ ഉണ്ടാകുന്നതു സാധാരണം അതാണ് ബിഗ് ബോസ് ഗെയിം. അതില്‍ നിന്നൊക്കെ എങ്ങനെ തന്ന ദിവസങ്ങള്‍ സര്‍വൈവ് ചെയ്തു മുന്നോട്ടു പോകാം എന്നുള്ളത് തന്നെ. പക്ഷെ ഇവിടെ യാതൊരുവിധ ഡിസ്സിപ്ലിനും ഇല്ലാ മിക്കവര്‍ക്കും. ഒരു പ്രേക്ഷക എന്ന നിലയില്‍ ഇന്ന് അവര്‍ കാണിച്ച കാര്യങ്ങളില്‍ വളരെ നിരാശ തോന്നി.

അവര്‍ക്കു ബ്രേക്ക് കഴിഞ്ഞു ലാലേട്ടന്‍ വരുമെന്ന യാതൊരു ബോധവുമില്ലേ? അപ്പോളേക്കും ഏറ്റുമുട്ടാന്‍ എന്താരുന്നു ഇത്ര ധൃതി എന്തായാലും നല്ല കുറിക്കു കിട്ടി. ഇനി ദോശ പോയിട്ട് പച്ചവെള്ളം പോലും ചെല്ലാത്ത രീതിയില്‍ വയറു നിറച്ചു കൊടുത്തിട്ടുണ്ട്. നാളെ ഭാഗ്യചേച്ചിക്കാണോ നറുക്ക് എന്ന് തോന്നുന്നു. അറിഞ്ഞുടാ. ഒരു പ്രവചനം നടത്തി എന്നേയുള്ളു. ആരാണെന്ന് അറിയാന്‍ വെയിറ്റിംഗ്. എന്നുമാണ് അശ്വതി പറയുന്നത്.