കുഞ്ഞുവാവയ്ക്കും പുരസ്കാരത്തിനും ശേഷം പുത്തൻ സന്തോഷവാർത്തയുമായി അശ്വതി

മലയാളികളുടെ പ്രിയപ്പെട്ട നടിയും അവതാരകയുമാണ് അശ്വതി ശ്രീകാന്ത്. ചക്കപ്പഴം എന്ന ഹാസ്യ പരമ്പരയിൽ ആശാ ഉത്തമൻ എന്ന കഥാപാത്രമായി തിളങ്ങുകയാണ് താരം. കഴിഞ്ഞ ദിവസമാണ് ഇളയ മകൾ അശ്വതിക്ക് പിറന്നത്. ആ സന്തോഷത്തിനുപിന്നാലെ സംസ്ഥന സർക്കാരിന്റെ മികച്ച നടിക്കുള്ള പുരസ്ക്കാരവും അശ്വതിയെത്തേടിയെത്തിയിരുന്നു

ചക്കപ്പഴം എന്ന ജനപ്രിയ പരമ്പരയിൽ ആശ എന്ന വീട്ടമ്മയുടെ റോളിലാണ് അശ്വതി എത്തിയിരുന്നത്. ഒട്ടേറെ ആരാധകരുള്ള കഥാപാത്രമാണിത്. സീരിയലിലും അടുത്ത പ്രസവത്തിനായി കാത്തിരുന്ന കഥാപാത്രത്തെ അശ്വതി അവതരിപ്പിച്ചിരുന്നു. ഇപ്പോഴിതാ കുഞ്ഞിനും അവാർഡിനും പിന്നാലെ അശ്വതിയെ തേടി മറ്റൊരു സന്തോഷവാർത്തയുമെത്തി.

എല്ലാ സന്തോഷങ്ങൾക്കും അൽപ്പം മാറ്റുകൂട്ടിക്കൊണ്ടു സോഷ്യൽ മീഡിയയിൽ സജീവമായ അശ്വതിയെ കാത്ത് 14 ലക്ഷം ഫോളോവേഴ്സ് ആണ് തികഞ്ഞിരിക്കുന്നത്. ഇൻസ്റ്റഗ്രാമിലാണ് അശ്വതിയെ തേടി ഈ നേട്ടമെത്തിയത്. തന്നെ ഈ നേട്ടത്തിന് അർഹയാക്കിയ ഫാൻസിന് അശ്വതി നന്ദി അറിയിച്ചും രം​ഗത്തെത്തി.

കൊച്ചിയിലെ ആസ്റ്റർ മെഡിസിറ്റിയിലാണ് അശ്വതി ഇളയകുഞ്ഞിന് ജന്മം നൽകിയത്. “അമ്മയ്ക്കും കുഞ്ഞിനും സുഖം. അച്ഛനും ചേച്ചി പെണ്ണിനും വല്യ സന്തോഷം,” എന്നാണ് സന്തോഷ വാർത്തയുടെ ക്യാപ്ഷ്യനായി അശ്വതി നൽകിയിരുന്നത്