വിവാഹം കഴിഞ്ഞത് വീട്ടുകാരുടെ സമ്മതത്തോടെ- ആതിര മാധവ്

ടെലിവിഷൻ പ്രേക്ഷകരുടെ പ്രിയ നടിയാണ് ആതിര മാധവ്. അടുത്തിടെയായിരുന്നു ആതിരയുടെയും ഭർത്താവ് രജീവിന്റെയും ജീവിതത്തിലേക്ക് കുഞ്ഞുമകൻ എത്തിയത്. താൻ ഗർഭിണിയായത് മുതലുള്ള വിശേഷങ്ങൾ എല്ലാം ഇവർ സോഷ്യൽ മീഡിയയിലൂടെയും മറ്റും പങ്കുവെയ്ക്കാറുണ്ട്. സുബി സുരേഷിനൊപ്പം ഒരു ചാനൽ പരിപാടിയിൽ പങ്കെടുത്തതിന്റെ വിശേഷമാണ് ഇപ്പോൾ വൈറലാവുന്നത്,

വീട്ടുകാരുടെ സമ്മതത്തോടെയാണ് തന്റെ വിവാഹം കഴിഞ്ഞതെന്ന് സുബിയുടെ ചോദ്യത്തിന് മറുപടി പറയവേ ആതിര പറഞ്ഞു. എന്താണ് അഭിനയിക്കാൻ വരാത്തത് എന്ന ചോദ്യം പ്രേക്ഷകർ ചോദിക്കാറുണ്ടോ എന്ന ചോദ്യത്തിന് താൻ ഗർഭിണിയാണെന്ന കാര്യം എല്ലാവരും അറിഞ്ഞിരുന്നു. അതുകൊണ്ട് കുഴപ്പമില്ലെന്നാണ് ആതിര പറഞ്ഞത്.ഇതിനിടെ താൻ നിർമ്മിക്കുന്ന സീരിയലിൽ നല്ലൊരു വേഷം അഭിനയിക്കാൻ ആതിരയെ വിളിക്കുമെന്ന് സുബി തമാശരൂപേണ പറഞ്ഞു. പറ്റിയാൽ ഭർത്താവിനെയും കുഞ്ഞിനെയും കൂട്ടി വന്ന് കുടുംബസമേതമുള്ള ഒരു കഥ തന്നെ നമുക്ക് സീരിയലാക്കാം. അയൽവക്കക്കാരായി ഞങ്ങളും വരാമെന്ന് സുബി പറഞ്ഞു.

2020 ലാണ് ആതിര മാധവ് വിവാഹിതയായത്. നേരത്തെ രാജീവ് എന്നയാളുമായി പ്രണയത്തിലായിരുന്ന നടി അദ്ദേഹത്തെ തന്നെയാണ് വിവാഹം കഴിച്ചത്. ഒന്നാം വിവാഹവാർഷികാഘോഷങ്ങൾക്ക് ഇടയിലാണ് താനൊരു അമ്മയാവാൻ പോവുകയാണെന്ന കാര്യം ആതിര എല്ലാവരോടുമായി പറഞ്ഞത്. പിന്നാലെ സീരിയലിൽ നിന്നും കുറച്ച് ഇടവേള എടുക്കുകയാണെന്നും നടി പറഞ്ഞു. മകന്റെ കാര്യങ്ങൾ കുറച്ചൂടി നോക്കിയതിന് ശേഷം അഭിനയത്തിലേക്ക് തന്നെ തിരിച്ച് വരുമെന്നാണ് അന്നും ഇന്നും ആതിര പറയുന്നത്.