യുവാവിന് ബലാൽസംഗം ചെയ്യുമെന്ന് നാൽപതുകാരിയുടെ ഭീഷണിമുഴക്കി നാൽപതുകാരി; ജനനേന്ദ്രിയത്തിന് നേരെ അതിക്രമം

മാഞ്ചസ്‌റ്റ‌ർ. അമിതമായ മദ്യലഹരിയിൽ യുവാവിന്റെ ജനനേന്ദ്രിയത്തിൽ കടന്നുപിടിച്ച് ബലാൽസംഗ ഭീഷണി മുഴക്കിയ 40 കാരിയും ആറ് കുട്ടികളുടെ അമ്മയുമായ വീട്ടമ്മയ്‌ക്ക് ശിക്ഷ വിധിച്ച് കോടതി. ആറ് കുട്ടികളുടെ അമ്മയായ ജെമ്മ വൈറ്റ്‌സൈഡ് എന്ന യുവതിയാണ് യുവാവിന് നേരെ ലൈംഗീകാതിക്രമം നടത്തിയത്. ലിവ‌ർപൂളിലെ ഗൂഡീസൺ പാർക്കിൽ ഫെബ്രുവരി 26നായിരുന്നു സംഭവം കോടതി വിധിയോടെ ലോക മാധ്യമങ്ങളിൽ വാർത്തയായി.

മാഞ്ചസ്‌റ്റർ സിറ്റി ആരാധികയായ ജെമ്മ സംഭവദിവസം അമിതമായി മദ്യപിച്ചിരുന്നു എന്നാണു പോലീസ് പറഞ്ഞിരിക്കുന്നത്. മത്സരം കാണാനെത്തിയ എവർടൺ ആരാധകനായ യുവാവിനെ പിന്നിലെത്തിയ ജെമ്മ ദേഹത്ത് ഉരസുകയും യുവാവിന്റെ ജനനേന്ദ്രിയത്തിൽ കടന്നുപിടിച്ച് ബലാൽസംഗ ഭീഷണി മുഴക്കുകയുമായിരുന്നു. അപ്രതീക്ഷിത ആക്രമണത്തിൽ യുവാവ് സ്‌തബ്ധനായിപ്പോയി. സംഭവത്തിൽ പുരുഷന്മാർക്ക് തുല്യമായ ശിക്ഷ നൽകണമെന്ന് ഇരയായ യുവാവ് വാദിച്ചെങ്കിലും ജെമ്മയ്‌ക്ക് കോടതി നല്ലനടപ്പ് ശിക്ഷയാണ് പ്രധാനമായും വിധിച്ചിരിക്കുന്നത്. എന്നാൽ 495 യൂറോ പിഴശിക്ഷ വിധിച്ചിട്ടുണ്ട്. ഇതിൽ 400 യൂറോയും ഇരയായ യുവാവിനാണ് നൽകണമെന്നാണ് കോടതിവിധിയിൽ പറഞ്ഞിട്ടുള്ളത്.

ജെമ്മ സംഭവസമയത്ത് അമിതമായി മദ്യപിച്ച നിലയിലായിരുന്നെന്ന് അതിക്രമത്തിനിരയായ യുവാവ് പറയുന്നു. ബ്രിട്ടണിൽ ഇരുപതിൽ ഒന്ന് പുരുഷന്മാ‌ർക്ക് നേരെ ലൈംഗികാതിക്രമ ശ്രമമുണ്ടാകുകയോ ആക്രമിക്കപ്പെടുകയോ ചെയ്യപ്പെടുന്നുണ്ടെന്നാണ് ഇപ്പോൾ ലഭ്യമായ കണക്കുകൾ സൂചന നൽകുന്നത്. ഇതിനിടെയാണ് ഈ സംഭവം വൈറലായിരിക്കുന്നത്.