ഗുരു മന്ദിരത്തിന് നേരെ ആക്രമണം, കാണിക്ക വഞ്ചി തകർത്തു

ആലപ്പുഴ : ശ്രീനാരായണ ഗുരു മന്ദിരത്തിന് നേരെ സമൂഹ്യ വിരുദ്ധരുടെ ആക്രമണം. കാട്ടൂർ കോർത്തുശേരിയിലെ മന്ദിരത്തിന്റെ ഗേറ്റും കാണിക്ക വഞ്ചിയും അക്രമികൾ തകർത്തു. ഇന്ന് പുലർച്ചെ അഞ്ച് മണിയോടെയാണ് സംഭവം ഉണ്ടായത് എന്നാണ് വിവരം.

ഇന്ന് രാവിലെ മന്ദിരം തുറക്കാനായി രാവിലെ ജീവനക്കാർ സ്ഥലത്തെത്തിയപ്പോഴാണ് ആക്രമണം ഉണ്ടായത് ശ്രദ്ധയിൽപ്പെടുന്നത്. ഗേറ്റും കാണിക്ക വഞ്ചിയും തകർത്ത് വലിച്ചെറിഞ്ഞ നിലയിലായിരുന്നു. ഇതിനുപുറെമെ മന്ദിരത്തിന്റെ പുറത്ത് സ്ഥാപിച്ചിരുന്ന കൊടിയും ബോർഡുകളും സാമൂഹ്യ വിരുദ്ധർ നശിപ്പിച്ചിരുന്നു.

ആസൂത്രിതമായി മന്ദിരം തകർക്കാനുള്ള കൃത്യമാണിതെന്നാണ് ഭാരവാഹികൾ പറയുന്നത്. കാണിക്ക വഞ്ചിയിൽ നിന്നും പണം മോഷണം പോയിട്ടില്ല. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.