ഏഴാം ക്ലാസുകാരിയെ പീഡിപ്പിക്കാന്‍ ശ്രമം; ഓട്ടോ ഡ്രൈവര്‍ പിടിയില്‍

പാലക്കാട്: വിദ്യാർത്ഥിനിയെ പീഡിപ്പിക്കാന്‍ ശ്രമിച്ചെന്ന പരാതിയില്‍ ഓട്ടോ ഡ്രൈവര്‍ പിടിയില്‍. വള്ളിക്കോട് സ്വദേശി മണികണ്ഠനാണ് പാലക്കാട് നോര്‍ത്ത് പോലീസിന്റെ പിടിയിലായത്. കുട്ടിയെ സ്‌കൂളില്‍ കൊണ്ടു പോകുന്നതിനിടെയായിരുന്നു ഡ്രെെവറുടെ അതിക്രമം. തുടര്‍ന്ന് കുട്ടി ശബ്ദമുണ്ടാക്കിയതോടെ നാട്ടുകാര്‍ ഇടപെട്ട് വാഹനം തടയുകയായിരുന്നു.

ചൊവ്വാഴ്ച രാവിലെയാണ് സംഭവം. പിന്നീട് നാട്ടുകാർ ചേർന്ന് ഇയാളെ പിടികൂടി പോലീസിന് കെെമാറുകയായിരുന്നു. സാധാരണ കുട്ടിയെ സ്‌കൂളില്‍ കൊണ്ടുപോകുന്ന ഓട്ടോ ഡ്രൈവര്‍ അവധി ആയതിനാല്‍ അദ്ദേഹം മണികണ്ഠനെ ജോലി ഏല്‍പ്പിക്കുകയായിരുന്നു. നിലവില്‍ ഇയാള്‍ക്കെതിരെ പോക്‌സോ വകുപ്പ് പ്രകാരം പോലീസ് കേസെടുത്തിട്ടുണ്ട്. പ്രതിയെ അല്‍പസമയത്തിനകം പാലക്കാട് കോടതിയില്‍ ഹാജരാക്കും.

അതേസമയം പാലക്കാട് പാതിരാത്രി അയൽവാസിയുടെ വീട്ടിൽ കയറി പ്രായപൂർത്തിയാകാത്ത പെൺകുട്ടികൾക്കിടയിൽ കിടന്ന ജുവലറി ഉടമ അറസ്റ്റിൽ. പാലക്കാട് ചാലിശേരി സ്വദേശി നിസാർ(35) ആണ് പൊലീസിന്റെ പിടിയിലായത്. കഴിഞ്ഞ ദിവസം രാത്രിയാണ് ചാലിശേരി പൊലീസ് ഇയാളെ അറസ്റ്റ് ചെയ്തത്. പ്രതി അയൽവാസിയുടെ വീട്ടിൽ പുലർച്ചെ മൂന്ന് മണിയോടെയാണ് അതിക്രമിച്ച് കയറിയത്.

ശേഷം മുറിയിലേയ്ക്ക് പോയ ഇയാൾ പ്രായപൂർത്തിയാകാത്ത പെൺകുട്ടികളുടെ ഇടയിൽ കയറിക്കിടന്നു. കുട്ടികൾ ബഹളം വച്ചതോടെ പ്രതി ഓടി രക്ഷപ്പെടുകയായിരുന്നു. സംഭവം നടന്ന സമയം കുട്ടികളുടെ രക്ഷിതാക്കൾ വീട്ടിലുണ്ടായിരുന്നില്ല. തുടർന്ന് കുട്ടികൾ മതപൈതാക്കളെ വിവരം അറിയിക്കുകയും, ഇവർ പോലീസിൽ പരാതിപ്പെടുകയും ചെയ്‌തു. തുടന്ന് ഇന്നലെ രാത്രിയോടെ തന്നെ പ്രതിയെ പോലീസ് പിടികൂടുകയായിരുന്നു.