അയ്യപ്പന്മാർ സഞ്ചരിച്ച കെഎസ്ആർടിസി ബസുകൾ കൂട്ടിയിടിച്ച് അപകടം, സംഭവം നിലയ്ക്കലിൽ

പത്തനംതിട്ട : ശബരിമല തീർത്ഥാടകർ സഞ്ചരിച്ച കെഎസ്ആർടിസി ബസുകൾ കൂട്ടിയിടിച്ച് അപകടം. മുപ്പതോളം പേർക്ക് പരുക്കേറ്റു. നിലയ്ക്കലിൽ പുലർച്ചെ രണ്ടു മണിയോടെയയൈരുന്നു അപകടം. ചാലക്കയത്തിനും നിലയ്ക്കലിനും ഇടയിലാണ് അപകടം നടന്നത്. ആരുടെയും പരുക്ക് ഗുരുതരമല്ല. ആറുപേർ വിവിധ ആശുപത്രികളിലായി ചികിത്സയിലുണ്ട്. 4 പേർ കോട്ടയം മെഡിക്കൽ കോളജിലും രണ്ടുപേർ പത്തനംതിട്ട ജനറൽ ആശുപത്രിയിലും ചികിത്സയിലാണ്.

ഒരാഴ്ച മുൻപായിരുന്നു പീരുമേട്ടിൽ ശബരിമല തീർത്ഥാടനം കഴിഞ്ഞ് മടങ്ങിയ അയ്യപ്പന്മാർ സഞ്ചരിച്ച കാർ ട്രാവലറുമായി കൂട്ടിയിടിച്ച് ഒരു തീർത്ഥാടകൻ മരിച്ച സംഭവം ഉണ്ടായത്. ചെന്നൈ താമ്പരം സ്വദേശി വെങ്കിടേഷ്( 63)ആണ് മരിച്ചത്. കൊല്ലം -തേനി ദേശീയ പാതയിൽ കുട്ടിക്കാനം ഐ.എച്ച്.ആർ.ഡി കോളേജിന് സമീപമാണ് അപകടമുണ്ടായത്. കുമളിയിൽ നിന്ന് ആലപ്പുഴയിലേക്ക് പോയ ട്രാവലറുമായി കൂട്ടിയടിക്കുകയായിരുന്നു.

കാറിൽ നാല് തീർത്ഥാടകരാണ് ഉണ്ടായിരുന്നത്. പരിക്കേറ്റ മുന്നുപേരേ കോട്ടയം മെഡിക്കൽ കോളേജ് ആപത്രിയിൽ പ്രവേശിപ്പിച്ചിരുന്നു. അപകടം അറിഞ്ഞെത്തിയ നാട്ടുകാരും പൊലീസ് , മോട്ടോർ വാഹന വകുപ്പ് ഉദ്യോഗസ്ഥരുടെയും നേതൃത്വത്തിലാണ് രക്ഷാപ്രവർത്തനങ്ങൾ നടത്തിയത്. കാർ ഡ്രൈവർ ഉറങ്ങിപ്പോയതാകാം അപകടകാരണം എന്നാണ് നിഗമനം.