വാണിയെ വിവാഹം കഴിക്കുന്നത് ഗ്ലാഡിസുമായുള്ള ബന്ധം വേർപ്പെടുത്തിയ ശേഷം, നടൻ ബാബുരാജിന്റെ ജീവിതം

മലയാളി സിനിമ പ്രേക്ഷകരുടെ പ്രിയപ്പെട്ട താരദമ്പതികളാണ് ബാബു രാജും വാണി വിശ്വനാഥും. ആക്ഷൻ നായികയായിരുന്നു വാണിയും വില്ലനായി തിളങ്ങിയിരുന്ന ബാബു രാജും തമ്മിലുള്ള വിവാഹം ആരാധകരെ പോലും അമ്പരപ്പിച്ചിരുന്നു. 2002ലാണ് ഇരുവരും വിവാഹിതർ ആയത്. പ്രണയത്തിനൊടുവിലായിരുന്നു വിവാഹം. വിവാഹത്തെ തുടർന്ന് വാണി സിനിമകളിൽ നിന്ന് ഇടവേള എടുക്കുകയും ചെയ്തു. വിവാഹ ശേഷം ചുരുക്കം ചില സിനിമകളിലാണ് വാണി വിശ്വനാഥ് അഭിനയിച്ചത്.

എന്നാൽ വാണിയെ വിവാഹം കഴിക്കുന്നതിനു മുൻപ് ബാബുരാജ് മറ്റൊരു വിവാഹം കഴിച്ചിരുന്നു. അതേ കുറിച്ച്‌ അധികം ആർക്കും അറിയില്ല. ഗ്ലാഡിസ് ആണ് ബാബുരാജിന്റെ ആദ്യ ജീവിതപങ്കാളി. ബാബുരാജിന് ആദ്യ ഭാര്യയിൽ രണ്ട് ആൺമക്കളുണ്ട്. അഭയ്, അക്ഷയ് എന്നാണ് മക്കളുടെ പേര്. ആദ്യ വിവാഹബന്ധം വേർപ്പെടുത്തിയ ശേഷമാണ് ബാബുരാജ് വാണിയെ വിവാഹം കഴിക്കുന്നത്. ഇരുവരുടെയും പ്രണയവിവാഹമായിരുന്നു. വാണി വിശ്വനാഥുമായുള്ള ബന്ധത്തിലും ബാബുരാജിന് രണ്ട് മക്കളുണ്ട്. ആർച്ചയും ആരോമലും.

ആദ്യ ഭാര്യയും ആ ബന്ധത്തിലുള്ള മക്കളുമായും ബാബുരാജിന് വളരെ അടുത്ത സൗഹൃദമുണ്ട്. തന്റെ ആദ്യ വിവാഹബന്ധത്തെ കുറിച്ച്‌ ബാബുരാജ് എവിടെയും കാര്യമായി പരാമർശിച്ചിട്ടില്ല. അതുകൊണ്ട് തന്നെ പലർക്കും ഇത് അറിയില്ല.