റവന്യൂ വകുപ്പ് കുടിയൊഴിപ്പിക്കല് നോട്ടീസ് നല്കിയ ഭൂമിയും റിസോര്ട്ടും പാട്ടത്തിന് നല്കി കബളിപ്പിച്ചുവെന്ന് നടന് ബാബു രാജിനെതിരെ പരാതി ഉയര്ന്നിരുന്നു. കോതമംഗലം തലക്കോട് സ്വദേശി അരുണ് കുമാറിന്റെ പരാതിയില് നടനെതിരെ പോലീസ് കേസ് എടുക്കുകയും ചെയ്തു. ബാബുരാജ് തന്നില് നിന്നും 40 ലക്ഷം പൂപ തട്ടിയെടുത്തു എന്നായിരുന്നു വ്യവസായി ആയ അരുണിന്റെ ആരോപണം. നടന്റെ കൈവശമുള്ള മൂന്നാര് കമ്പിലൈനിലെ വൈറ്റ് മിസ്റ്റി മൗണ്ടന് റിസോര്ട്ട് പാട്ടത്തിന് നല്കിയതുമായി ബന്ധപ്പെട്ടായിരുന്ന പാരതി. എന്നാല് ഇപ്പോഴിതാ ഈ വിഷയത്തില് തന്റെ ഭാഗം വിശദീകരിച്ചുകൊണ്ട് രംഗത്ത് വന്നിരിക്കുകയാണ് താരം. ഒരു മാധ്യമത്തോടായിരുന്നു താരത്തിന്റെ പ്രതികരണം.
യാതൊരു അടിസ്ഥാനവുമില്ലാത്ത പരാതിയാണ് അരുണ് തനിക്കെതിരായി ഉന്നയിച്ചിരിക്കുന്നത്. തന്റെ പേരിലുള്ള റിസോട്ട് 2016 മുതല് 2018 വരെ അരുണിന് വാടകയ്ക്ക് നല്കിയിരുന്നു. ഷൈജന് എന്നൊരു പാര്ട്ണറുമായി ചേര്ന്നായിരുന്നു ഇദ്ദേഹം റിസോര്ട്ട് നടത്തിയിരുന്നത്. എന്നാല് പിന്നീട് ഇവര് തമ്മില് വേര്പിരിയുകയും അത് റിസോര്ട്ട് നടത്തിപ്പിനെ മോശമായ രീതിയില് ബാധിക്കുകയും ചെയ്തു. ഇതേ തുടര്ന്ന് അവരെ പറഞ്ഞ് വിടേണ്ടി വന്നു.
പിന്നീട് 2020 ല് റിസോര്ട്ട് നടത്തിപ്പ് ആവശ്യപ്പെട്ട് അരുണ് വീണ്ടും സമീപിക്കുകയും വാടകയ്ക്ക് നല്കുകയും ചെയ്തു. റിസോര്ട്ടിന്റെ അറ്റകുറ്റപ്പണിയെല്ലാം നടത്തിയാണ് അയാള്ക്കു നല്കിയത്. അതിനു ശേഷം കൊറോണയുടെ പേരുപറഞ്ഞ് ഇയാള് വാടക തന്നിരുന്നു. മാത്രവുമല്ല അവിടുത്തെ സ്റ്റാഫിന് ശമ്പളം നല്കിയിരുന്നുമില്ല. ഞാന് ജോലിക്ക് വെച്ച ആളായതുകൊണ്ട് തന്നെ അവര്ക്ക് ഞാനാണ് പിന്നീട് ശമ്പളം കൊടുത്തത്. ഇക്കാരണങ്ങളെല്ലാം ചൂണ്ടിക്കാട്ടി ഞാന് തൊടുപുഴ കോടതിയില് കേസ് കൊടുക്കുകയും അയാള്ക്കെതിരെ എവിക്ഷന് ഓര്ഡര് വാങ്ങി ഇയാളെ പുറത്താക്കുകയും ചെയ്തു. നഷ്ടപരിഹാരമായി അയാളില് നിന്നും ഒരു കോടി രൂപയായിരുന്നു താന് ആവശ്യപ്പെട്ടത്.
റിസോര്ട്ട് നാമാവശേഷമാക്കിയതിനാലാണ് ഒരു കോടി രൂപ നഷ്ടപരിഹാരമായി ആവശ്യപ്പെട്ടത്. 14 ടിവി, ജനറേറ്റര്, ഫോണുകള്, ബെഡ്ഷീറ്റുകള് അടക്കം പല സാധനങ്ങളും അവിടെനിന്ന് നഷ്ടപ്പെട്ടിരുന്നു. ഇതോടൊപ്പമാണ് സ്റ്റാഫിന്റെ ശമ്പളവും ഞാന് നല്കിയത്. ആ കേസ് അവിടെ നില്ക്കുമ്ബോഴാണ് തനിക്കെതിരെ ഇപ്പോള് പരാതിയുമായി രംഗത്ത് വന്നിരിക്കുന്നത്. നാമാവശേഷമായി റിസോര്ട്ട് ഞാന് വീണ്ടും പണം മുടക്കി ശരിയാക്കിയെടുത്തു. 67 ലക്ഷം രൂപ അതിലേക്കായി ചിലവ് വന്നു. ഇത് കണ്ട ഇയാള് വീണ്ടും എന്നെ സമീപിച്ച് അയാള് മുടക്കിയ പണം തിരികെ കൊടുക്കണമെന്നു പറയുകയും പണം തന്നില്ലെങ്കില് തനിക്കെതിരെ കേസ് കൊടുക്കുമെന്ന് ഭീഷണിപ്പെടുത്തുകയും ചെയ്തു. മാനം കെടുത്തുമെന്ന ഭീഷണിക്ക് മുമ്പില് ഞാന് വഴങ്ങുമെന്ന് അയാള് തെറ്റിദ്ധരിച്ചു.
എന്നാല് സത്യം പൂര്ണ്ണമായും തന്റെ ഭാഗത്തായതിനാല് ഞാന് വഴങ്ങിയില്ല. സിനിമാതാരവുമായ എന്നെ താറടിച്ചു കാണിച്ചാല് അയാളുടെ വഴിക്ക് വരുമെന്നാണ് അയാള് കരുതുന്നത്. അരുണ് വാസ്തവ വിരുദ്ധമായ ആരോപണമാണ് ഉന്നയിക്കുന്നത്. എന്റെ റിസോര്ട്ടിന് ലൈസന്സും പൊല്യൂഷന് സര്ട്ടിഫിക്കറ്റും വെള്ളത്തിന്റെ കണക്ഷനും എല്ലാമുണ്ടെന്നും ബാബുരാജ് കൂട്ടിച്ചേര്ക്കുന്നു.
ശ്രീനഗർ: ജമ്മു കശ്മീരിലെ ദോഡ ജില്ലയിൽ സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലിൽ രണ്ട് ഭീകരരെ വധിച്ചു. ഈ മാസം 11നും…
തിരുവല്ല : ബാർ പരിസരത്ത് തമ്മിൽത്തല്ല് . ബാറിനുള്ളിൽ ഉണ്ടായ തർക്കമാണ് പുറത്ത് തമ്മിലടിയിൽ കലാശിച്ചത്. തിരുവല്ല വളഞ്ഞവട്ടം ഇന്ദ്രപ്രസ്ഥ…
ന്യൂഡല്ഹി: ട്രെയിന് യാത്രയ്ക്കിടെ ബര്ത്ത് പൊട്ടി വീണ് യുവാവ് മരിച്ച വാർത്തയ്ക്ക് പിന്നാലെ വിശദീകരണവുമായി റെയിൽവേ. ബര്ത്ത് പൊട്ടി വീണല്ല…
കോഴിക്കോട് : ആരോഗ്യപ്രശ്നങ്ങളെ തുടർന്ന് ആശുപത്രിയിൽ പ്രവേശിപ്പിച്ച പന്ത്രണ്ടുവയസുകാരന് അമീബിക് മസ്തിഷ്ക ജ്വരത്തിന്റെ ലക്ഷണങ്ങൾ. ഫറൂഖ് കോളേജ് ഇരുമൂളിപ്പറമ്പ് സ്വദേശിയെയാണ്…
ലോക്സഭയിലെ പ്രതിപക്ഷ നേതാവെന്ന നിലയിൽ രാഹുൽ ഗാന്ധി ചമതല ഏറ്റെടുത്തു. ഒരു പതിറ്റാണ്ടിനു ശേഷമാണ് കോൺഗ്രസ് ഇത് തിരിച്ച് പിടിക്കുന്നത്.ഇനി…
ന്യൂഡൽഹി∙ ഭരണഘടനയെ പാർലമെന്റിൽ കൊണ്ടുനടക്കുകയും നാടകം കളിക്കുകയും ചെയ്യുന്നവരുടെ തെറ്റായ പ്രവൃത്തികൾ സെപ്റ്റംബർ 6ന് വെളിപ്പെടുമെന്ന് നടിയും ലോക്സഭാംഗവുമായ കങ്കണ…