എലിസബത്ത് തന്നെ ഇഷ്ടപ്പെടാനുള്ള കാരണം ഇതാണ്, തുറന്ന് പറഞ്ഞ് ബാല

നടന്‍ ബാലയും സുഹൃത്തും ഡോക്ടറുമായ എലിസബത്തും കഴിഞ്ഞ ദിവസമാണ് വിവാഹിതരായത്. ക്രിക്കറ്റ് താരം ശ്രീശാന്ത് ആയിരുന്നു ആദ്യമായി ബാലയുടെ ഭാര്യയെ പരിചയപ്പെടുത്തിയത്. കഴിഞ്ഞ ദിവസം നടന്ന വിവാഹ സത്കാര ചടങ്ങില്‍ ഉണ്ണി മുകുന്ദന്‍, മുന്ന, ഇടവേള ബാബു തുടങ്ങിയവര്‍ പങ്കെടുത്തിരുന്നു.

ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാവുന്നത് വിവാഹത്തിന് ശേഷമുളള ബാലയുടേയും എലിസബത്തിന്റേയും അഭിമുഖമാണ്. തന്നോട് എന്തുകൊണ്ട് എലിസബത്തിന് ഇഷ്ടം തോന്നി എന്ന് വെളിപ്പെടുത്തിയിരിക്കുകയാണ് താരം. മകളോടുള്ള എന്റെ സ്‌നേഹമാണ് എലിസബത്തിന് തന്നോട് ഇഷ്ടം തോന്നാന്‍ കാരണമെന്നാണ് ബാല പറയുന്നത്.

നടന്റെ വാക്കുകള്‍ ഇങ്ങനെ… ”ഞങ്ങളുടെ വിവാഹം കഴിഞ്ഞ് ഇവിടെ ഇരിക്കുകയാണ്. ഇവളോട് ഞാന്‍ പറഞ്ഞു, എനിക്ക് നിന്നെക്കാളും എന്റെ മകളെയാണ് ഇഷ്ടമെന്ന്. അപ്പോള്‍ അവള്‍ എന്നോട് പറഞ്ഞു. അതുകെണ്ടാണ് എനിക്ക് നിങ്ങളെ ഇഷ്ടമെന്ന്. നമ്മളെ മനസ്സിലാക്കുന്ന ഒരു വിശാലമായ ഒരു മനസ് വേണം.”

വിവാഹ ശേഷം അനുവദിച്ച അഭിമുഖത്തില്‍ ബാല മകളെ കുറിച്ച് പറഞ്ഞിരുന്നു. ”നിങ്ങളുടെ മകളെ മറന്നോ എന്നൊക്കെയാണ് പലരും ചോദിക്കുന്നത്. ഞാനെന്റെ മകളെ എത്രമാത്രം സ്‌നേഹിക്കുന്നുണ്ടെന്ന് അറിയാമോ, എലിസബത്തിന്റെ മുന്നില്‍ വെച്ചാണ് ഞാനിത് പറയുന്നത്. അറിയാത്തവര്‍ മറ്റുള്ളവരുടെ ജീവിതത്തെ പറ്റി സംസാരിക്കരുത്. അവരുടെ ജീവിതത്തില്‍ കുറെ കഷ്ടപ്പാടുകളുണ്ടായിട്ടുണ്ടാകും.മറ്റുള്ളവരുടെ കാര്യത്തില്‍ കമന്റടിക്കുമ്പോള്‍ മനസിന് കിട്ടുന്ന ഒരു റിലീഫ്. മകളെ എലിസബത്തിനെ പരിചയപ്പെടുത്തിയോ എന്ന അവതാരകന്റെ ചോദ്യത്തോട് ആ വിഷയം നമുക്ക് വിടാം എന്നായിരുന്നു ബാലയുടെ മറുപടി.

”വിവാഹ കാര്യ ആദ്യം നേരേ ചെന്നൈയില്‍ പോയി അമ്മയോട് പറഞ്ഞു. കല്യാണം കഴിക്കാന്‍ തീരുമാനിച്ച വിവരം പറഞ്ഞപ്പോഴേ അമ്മ ദൈവത്തിന് നന്ദി പറയുകയായിരുന്നു. പിന്നെ ഒട്ടും വൈകാതെ അമ്മ താലിയെടുത്ത് തരികയായിരുന്നു ചെയ്തത്. മനസ് മാറുന്നതിന് മുന്‍പ് കെട്ടട്ടെ എന്ന് കരുതുകയായിരുന്നുവെന്നും ബാല ചിരിച്ചുകൊണ്ട് പറഞ്ഞു.