അമ്മയുടെ മീറ്റിങ്ങിന് എന്തിനാ പിള്ളേരെ കൊണ്ടു വരുന്നതെന്ന ചോദ്യത്തിന് സുകുമാരൻ നൽകിയ മറുപടി യാഥാർത്യമായെന്ന് ബാലചന്ദ്രമേനോൻ

ഇന്ന് മലയാള സിനിമയിലെ രണ്ട് സൂപ്പർതാരങ്ങളാണ് പൃഥ്വിരാജും ഇന്ദ്രജിത്തും.സുകുമാരന്റെ എല്ലാ കഴിവുകളും മക്കൾക്ക് ലഭിച്ചിട്ടുണ്ടെന്നാണ് പൊതുവെ പറയാറ്. സുകുമാരനേയും മക്കളേയും കുറിച്ചുള്ള തന്റെ ഓർമ പങ്കുവയ്ക്കുകയാണ് സംവിധായകനും തിരക്കഥാകൃത്തുമായ ബാലചന്ദ്ര മേനോൻ. പണ്ടൊരിക്കൽ അമ്മയുടെ യോഗത്തിനിടെയുണ്ടായ സംഭവമാണ് ബാലചന്ദ്രമേനോൻ പറയുന്നത്.

മ്മയുടെ ജനറൽ ബോഡി മീറ്റിങ്ങിന് വരുമ്പോൾ കുട്ടികളെ കൊണ്ടുവന്നിരുന്നു. അതിനെക്കുറിച്ച്‌ ചോദിച്ചപ്പോൾ താരത്തിന്റെ മറുപടി ‘നമ്മുടെ കാലം കഴിഞ്ഞാലും നാളെ രണ്ടു സൂപ്പർ സ്റ്റാറുകൾ വേണ്ടേ ആശാനേ..നിങ്ങൾക്ക്..’ എന്നായിരുന്നു. അന്ന് അച്ഛനൊപ്പം അമ്മയുടെ മീറ്റിങ്ങിന് പോയ ആ രണ്ടുകുട്ടികളും അന്ന് സുകുമാരൻ തമാശയ്ക്ക് പറഞ്ഞ വാക്ക് സത്യമാക്കിയെന്നു നടൻ ബാലചന്ദ്രമേനോൻ.

ബാലചന്ദ്രമേനോന്റെ വാക്കുകൾ ഇങ്ങനെ..അമ്മ ജനറൽ ബോഡിക്ക് തന്റെ രണ്ട് മക്കളേയും കൂട്ടിയാണ് ഒരിക്കൽ സുകുമാരൻ എത്തിയത്. ഇവര് പിള്ളേരല്ലേ സുകുമാരാ, ഇവരെ എന്തിനാ അമ്മയുടെ മീറ്റിംഗിൽ കൊണ്ടുവന്നതെന്ന് ഞാൻ ചോദിച്ചു. നമ്മുടെ കാലം കഴിഞ്ഞാലും നാളെ രണ്ടു സൂപ്പർ സ്റ്റാറുകൾ വേണ്ടേ ആശാനേ..നിങ്ങൾക്ക്.. അതുകൊണ്ട് നേരത്തെ കൊണ്ടുവന്നതാ എന്നായിരുന്നു സുകുമാരന്റെ മറുപടി. എന്തുപറഞ്ഞാലും ആ നാക്ക് പൊന്നായി’.

സുകുമാരന്റെ നടക്കാതെ പോയ ആരു ആഗ്രഹത്തെ കുറിച്ചും ബാലചന്ദ്രൻ പറഞ്ഞു. സിനിമാ സംവിധാനമെന്നത് സുകുമാരന്റെ സ്വപ്‌നമായിരുന്നുവെന്നും പുറമെ പുരക്കനായിരുന്നുവെങ്കിലും ഉള്ളിൽ പാവമായിരുന്നു സുകുമാരനെന്നും ബാലചന്ദ്ര മേനോൻ പറയുന്നു.