ആര് ബാലശങ്കറിന്റെ ആരോപണങ്ങളില് വീണ്ടും വിവാദങ്ങളുയരുന്നു. തനിക്ക് സീറ്റ് നിഷേധിച്ചത് ബി.ജെ.പിയും സിപിഎമ്മും തമ്മിലുള്ള ധാരണ മൂലമാണെന്നായിരുന്നു ബാലശങ്കറിന്റെ ആരോപണം. നിയമസഭാ തെരഞ്ഞെടുപ്പില് ചെങ്ങന്നൂരിലും ആറന്മുളയിലും തോറ്റുകൊടുത്ത് സി.പി.എമ്മിന്റെ വിജയം ഉറപ്പാക്കുകയും, പകരം കോന്നിയില് വിജയിക്കുകയും ചെയ്യുക എന്നതാകാം ധാരണ എന്നായിരുന്നു ബാലശങ്കറിന്റെ പ്രതികരണം.
എന്നാലിപ്പോള് കേരള കോണ്ഗ്രസ് എം ചെയര്മാന് ജോസ് കെ മാണി ബി.ജെ.പിയുടെ ഭാഗമാവാന് തയ്യാറായിരുന്നുവെന്ന് ആര്.എസ്.എസ് സൈദ്ധാന്തികന് ബാലശങ്കര് പറയുകയാണ്. ജോസ് കെ മാണിയുമായി നല്ല ബന്ധമാണെന്നും അതൊക്കെ ഇല്ലാതാക്കിയത് ബിജെപിയിലെ തന്നെ ചില നിക്ഷിപ്ത താല്പര്യക്കാരുമാണെന്ന് ബാലശങ്കര് പറഞ്ഞു. അവര്ക്ക് മന്ത്രിസ്ഥാനവും പദവികളും നഷ്ടപ്പെട്ടേക്കുമെന്ന ഭയമാണ് ഇതിന് കാരണമെന്നും ബാലശങ്കര് ചൂണ്ടിക്കാട്ടി.
വിവിധ മത സംഘടനകളും സാമുദായിക സംഘടനകളും ഒരു പോലെ മണ്ഡലത്തില് തന്റെ സ്ഥാനാര്ഥിത്വത്തെ പിന്തുണച്ചിരുന്നു. അച്ഛന് കേരള കോണ്ഗ്രസുകാരനും പഞ്ചായത്ത് പ്രസിഡന്റുമായിരുന്നു. കേരള കോണ്ഗ്രസ് കണ്വെന്ഷനില് പ്രസംഗിക്കാന് വിളിക്കാറുണ്ടെന്നും ബാലശങ്കര് പറഞ്ഞു.അന്തരിച്ച കേരള കോണ്ഗ്രസ് നേതാവ് കെ.എം മാണിയുമായി വ്യക്തിപരമായ വലിയ അടുപ്പമുണ്ടായിരുന്നുവെന്നും ബാലശങ്കര് വ്യക്തമാക്കി. ചെങ്ങന്നൂരില് പരിഗണിച്ചിരുന്ന തനിക്ക് സീറ്റ് നിഷേധിച്ചതിന് പിന്നില് സിപിമ്മും ബിജെപിയും തമ്മിലുള്ള ധാരണയാണെന്നും അദ്ദേഹം തുറന്നടിച്ചു. കേരളത്തിലെ നേതാക്കള്ക്ക് മാഫിയ സ്വഭാവമാണുള്ളതെന്നും ബാലശങ്കര് വിമര്ശിച്ചു.
ആര്.എസ്.എസ് മുഖപത്രമായ ഓര്ഗനൈസറിന്റെ മുന് പത്രാധിപര് കൂടിയായ ബാലശങ്കറിനെ ചെങ്ങന്നൂരില് ബി.ജെ.പി. സ്ഥാനാര്ത്ഥിയാക്കുമെന്നായിരുന്നു ആദ്യ ഘട്ടത്തില് സൂചനകള് വന്നിരുന്നത്. എന്നാല് സ്ഥാനാര്ഥി പ്രഖ്യാപനം വന്നപ്പോള് അപ്രതീക്ഷിതമായി ബി.ജെ.പി ജില്ലാ പ്രസിഡന്റ് എം.വി.ഗോപകുമാറിനെയാണ് മണ്ഡലത്തില് സ്ഥാനാര്ഥിയായി പരിഗണിച്ചത്.
തിരുവനന്തപുരം: പാറശാലയില് പാറമട വ്യവസായിയെ കഴുത്തറത്ത് കൊലപ്പെടുത്തിയ സംഭവത്തിൽ പ്രതിക്ക് സര്ജിക്കല് ഉപകരണങ്ങള് നല്കിയ സ്ഥാപനത്തിനെതിരെ ഡ്രഗ്സ് കണ്ട്രോള് വിഭാഗം…
കൊച്ചി: കരുവന്നൂര് കള്ളപ്പണ ഇടപാട് കേസില് സിപിഎമ്മിനെ പ്രതിചേര്ത്ത് ഇഡി. കരുവന്നൂരില് നിന്ന് തട്ടിയെടുത്ത പണം പാര്ട്ടി കൈപ്പറ്റിയെന്നാണ് ഇഡിയുടെ…
പീഢന കേസ് പ്രതി പിണറായിയുടെ കൂട്ടുകാരൻ എങ്കിൽ അറസ്റ്റ് ചെയ്യില്ലേ... ഇത് ഇപ്പോൾ കൊല്ലത്തേ സമരക്കാർ ചോദിക്കുന്നു.ഗർഭിണിയായ യുവ അഭിഭാഷകയെ…
ഇതിൽപ്പരം ഒരു നാണക്കേട് പിണറായിക്കു വരാറുണ്ടോ ‘യുവതയോട് – അറിയണം പിണറായിയെ എന്ന് പറഞ്ഞ സംവിധായകൻ തിരുത്തുന്നു യുവാക്കൾ അദ്ദേഹത്തെ…
എസഡ് കാറ്റഗറിയും, കരിമ്പൂച്ചകളുടെ സുരക്ഷയും തകർത്ത ആർ എസ് എസ് ഓപ്പറേഷനാണ് ഇത്. എങ്ങിനെയാണ് ആർ എസ് എസ് ഒരു…
കണ്ണൂർ CPM ജില്ലാ കമ്മറ്റി അംഗമായിരുന്ന മനു തോമസ് നടത്തുന്ന വെളിപ്പെടുത്തലുകളിൽ പ്രതികരിച്ച് എഴുത്തുകാരി അഞ്ജു പാർവ്വതി പ്രബീഷ്. മനു…