കൂടെ അഭിനയിച്ച നടിയോട് പ്രണയം തോന്നിയിട്ടുണ്ട് തുറന്ന് പറഞ്ഞ് ബാലു വർ​ഗീസ്

മലയാള സിനിമയിലെ ശ്രദ്ധേയനായ യുവനായകന്മാരിൽ ഒരാളാണ് ബാലു വർഗീസ്. കഴിഞ്ഞ വർഷമായിരുന്നു ബാലുവും നടി എലീന വർഗീസും വിവാഹിതർ ആയത്. എലീന ഗർഭിണിയായ സന്തോഷം ബാലു നേരത്തെ സോഷ്യൽ മീഡിയകളിലൂടെ പങ്കുവെച്ചിരുന്നു. ബേബി ഷവർ ചിത്രങ്ങളും വൈറലായിരുന്നു. അടുത്തിടെയാണ് ആൺകുഞ്ഞ് ജനിച്ചത്.

ഒരു യൂട്യൂബ് ചാനലിന് നൽകിയ അഭിമുഖത്തിൽ തനിക്ക് ഒപ്പം അഭിനയിച്ച ഒരു നടിയോട് പ്രണയം തോന്നിയിരുന്നു എന്ന് ബാലു പറഞ്ഞ വെളിപ്പെടുത്തലാണ് ഇപ്പോൾ ശ്രദ്ധേയമാവുന്നത്. കൂടെ അഭിനയിച്ച നടിയോട് ഇഷ്ടം തോന്നിയിട്ടുണ്ടോ എന്ന ചോദ്യത്തിനായിരുന്നു താരത്തിന്റെ മറുപടി. ഉണ്ട് എന്ന് ഉടൻ തന്നെ ബാലു പറയുകയും ചെയ്തു. അവളാണ് ഇപ്പോൾ എന്റെ ഭാര്യ എന്നും താരം കൂട്ടിച്ചേർത്തു. ആരുടെയെങ്കിലും ടൂത്ത് ബ്രഷ് ഉപയോഗിച്ചിട്ടുണ്ടോ എന്ന ചോദ്യത്തിന് തന്റെ ഭാര്യയുടെ ടൂത്ത് ബ്രഷ് അറിയാതെ ഉപയോഗിച്ചിട്ടുണ്ട് എന്നും താരം പറഞ്ഞു.

കഴിഞ്ഞ വർഷം ഫെബ്രുവരി 2ന് ആയിരുന്നു ബാലുവിന്റെയും എലീനയുടെയും വിവാഹം. ലാൽജോസ് സംവിധാനം ചെയ്ത ചാന്തുപൊട്ട് എന്ന ചിത്രത്തിലൂടെയായിരുന്നു ബാലു വർഗീസിന്‌റെ സിനിമാ അരങ്ങേറ്റം. തുടർന്ന് മാണിക്ക്യകല്ല്, ഹണിബീ, കിംഗ് ലയർ പോലുളള ചിത്രങ്ങൾ നടന്റെതായി ഏറെ ശ്രദ്ധിക്കപ്പെട്ടു. ചങ്ക്‌സ് എന്ന ചിത്രത്തിലൂടെയായിരുന്നു ബാലു നായകനായത്.