കൂടെ അഭിനയിച്ച ഒരു നടിയോട് പ്രണയം തോന്നിയിട്ടുണ്ടെന്ന് ബാലു വര്‍ഗീസ്

ബാലതാരമായി എത്തി പിന്നീട് നായകനായി പ്രേക്ഷക മനസില്‍ ഇടം പിടിച്ച നടനാണ് ബാലു വര്‍ഗീസ്. ഇപ്പോള്‍ ഒരു യൂട്യൂബ് ചാനലിന് അനുവദിച്ച അഭിമുഖത്തില്‍ നടന്‍ പറഞ്ഞ വാക്കുകളാണ് ശ്രദ്ധേയമാകുന്നത്. തനിക്കൊപ്പം അഭിനയിച്ച ഒരു നടിയോട് തനിക്ക് പ്രണയം തോന്നിയരുന്നു എന്നാണ് ബാലു വെളിപ്പെടുത്തിയിരിക്കുന്നത്. ഈ അഭിമുഖത്തിന്റെ ദൃശ്യങ്ങളാണ് ഇപ്പോള്‍ സോഷ്യല്‍ ലോകത്ത് വൈറല്‍ ആകുന്നത്.

കൂടെ അഭിനയിച്ച നടിയോട് ഇഷ്ടം തോന്നിയിട്ടുണ്ടോ എന്ന ചോദ്യത്തിനായിരുന്നു താരത്തിന്റെ മറുപടി. ഉണ്ട് എന്ന് ഉടന്‍ തന്നെ ബാലു പറയുകയും ചെയ്തു. അവളാണ് ഇപ്പോള്‍ എന്റെ ഭാര്യ എന്നും താരം കൂട്ടിച്ചേര്‍ത്തു. ആരുടെയെങ്കിലും ടൂത്ത് ബ്രഷ് ഉപയോഗിച്ചിട്ടുണ്ടോ എന്ന ചോദ്യത്തിന് തന്റെ ഭാര്യയുടെ ടൂത്ത് ബ്രഷ് അറിയാതെ ഉപയോഗിച്ചിട്ടുണ്ട് എന്നും താരം പറഞ്ഞു. 2020 ഫെബ്രുവരിയിലായിരുന്നു യുവനടന്‍ ബാലു വര്‍ഗീസും നടിയും മോഡലുമായ എലീന കാതറീനും തമ്മിലുള്ള വിവാഹം. ഇരുവരുടെയും പ്രണയ വിവാഹമായിരുന്നു. അടുത്തിടയിലാണ് ഇവര്‍ക്ക് ഒരു ആണ്‍കുഞ്ഞ് ജനിച്ചത്.

ലാല്‍ ജോസ് സംവിധാനം ചെയ്ത ചാന്ദ്‌പൊട്ട് എന്ന ചിത്രത്തിലൂടെയാണ് ബാലു അഭിനയ രംഗത്ത് എത്തുന്നത്. ചിത്രത്തില്‍ ഇന്ദ്രജിത്തിന്റെ ബാല്യകാലമാണ് ബാലു വര്‍ഗീസ് അവതരിപ്പിച്ചത്. പിന്നീട് ചെറുതും വലുതുമായി നിരവധി ചിത്രങ്ങളില്‍ നടന്‍ അഭിനയിച്ചു.