കൺസെഷൻ നൽകാത്ത ബസുകൾക്ക് പിടിവീഴും, പെർമിറ്റ് റദ്ദാക്കാൻ നിർദ്ദേശം

തിരുവനനന്തപുരം: വിദ്യാർത്ഥികൾക്ക് കൺസെഷൻ നൽകുന്നതുമായി ബന്ധപ്പെട്ട് കർശന ഇടപെടലുമായി ബാലാവകാശ കമ്മിഷൻ. സ്വകാര്യ ബസുകളിൽ വിദ്യാർത്ഥികൾക്ക് നിശ്ചയിച്ച നിരക്കിൽ കൺസെഷൻ ലഭിക്കുന്നുവെന്ന് ഉറപ്പാക്കണമെന്ന് കമ്മിഷന്‍ അറിയിച്ചു. കൺസെഷൻ നൽകാത്ത ബസുകളുടെ പെർമിറ്റ് റദ്ദാക്കാൻ ട്രാൻസ്പോർട്ട് കമ്മിഷണർക്ക് നിർദേശം നല്‍കി.

വീഴ്ച വരുത്തുന്ന ജീവനക്കാരുടെ ലൈസൻസ് റദ്ദ് ചെയ്യാനും ബാലാവകാശ കമ്മിഷന്‍ ഉത്തരവിട്ടിട്ടുണ്ട്. ഉത്തരവ് നടപ്പാക്കി മൂന്ന് മാസത്തിനകം റിപ്പോർട്ട് നൽകണമെന്നും കമ്മീഷൻ ആവശ്യപ്പെട്ടു.