ഗവർണറെ ഭരണഘടന ‘പടിപ്പിക്കും , അക്ഷരം കൃത്യമായി എഴുതാനറിയാതെ അപഹാസ്യരായി എസ്എഫ്ഐ

പന്തളം: എസ് എഫ് ഐ ​ഗവർണർ പോരാട്ടം മുറുകുമ്പോൾ അക്ഷരം കൃത്യമായി എഴുതാനറിയാതെ അപഹാസ്യരായി പന്തളം എൻഎസ്എസ് കോളേജ് എസ്എഫ്ഐ പ്രവർത്തകർ . ഗവർണർ ആരീഫ് മുഹമ്മദ് ഖാനെതിരെ ക്യാമ്പസിൽ ഉടർന്ന ബാനറിലെ അക്ഷരതെറ്റാണ് ഇപ്പോൾ ചർച്ചയായിരിക്കുന്നത്. ഗവർണറെ ഭരണഘടന ‘പടിപ്പിക്കും’ എന്നാണ് പോസ്റ്ററിൽ എഴുതിയിരിക്കുന്നത്.

ഗവർണറെ തെരുവിൽ തടയുമെന്ന് എസ്എഫ്ഐ വെല്ലുവിളിച്ചിരുന്നു. അതിനെതിരെ കടുത്ത ഭാഷയിലാണ് ഗവർണർ പ്രതികരിച്ചത്. പോലീസ് സുരക്ഷ വേണ്ടെന്ന് നിർദ്ദേശിച്ച് ഗവർണർ കോഴിക്കോട് ജനങ്ങളുടെ ഇടയിലേക്ക് ഇറങ്ങിയിരുന്നു. തന്നെ തടയുന്നവർ തടയട്ടേയെന്നും തനിക്ക് പേടിയില്ലെന്നും അദ്ദേഹം മാദ്ധ്യമങ്ങളോട് പറഞ്ഞിരുന്നു. വൻ സ്വീകരണമാണ് മിഠായിതെരുവിൽ അദ്ദേഹത്തിന് ലഭിച്ചത്.

അതേസമയം, കാലിക്കറ്റ് സർവ്വകലാശാല ക്യാമ്പസിൽ ഗവര്‍ണര്‍ക്കെതിരായ എസ്.എഫ്.ഐ. പ്രതിഷേധത്തില്‍ സംഘര്‍ഷം. പ്രകടനമായെത്തിയ നൂറ് കണക്കിന് എസ്.എഫ്.ഐ. പ്രവര്‍ത്തകരെ ഗവര്‍ണര്‍ താമസിക്കുന്ന ഗസ്റ്റ് ഹൗസിന് സമീപം പോലീസ് തടഞ്ഞു. കരിങ്കൊടിയുമായി ചാടിവീണ വനിതാപ്രവര്‍ത്തകര്‍ അടക്കമുള്ളവരെ പോലീസ് അറസ്റ്റ് ചെയ്ത് നീക്കി.

എസ്.എഫ്.ഐ. സംസ്ഥാന സെക്രട്ടറി പി.എം. ആര്‍ഷോയുടെ നേതൃത്വത്തിലായിരുന്നു പ്രതിഷേധം. കറുത്ത ടീഷര്‍ട്ട് ധരിച്ചാണ് ആര്‍ഷോ അടക്കം എത്തിയത്. പ്രവര്‍ത്തകരുടെ കൈയില്‍ കറുത്ത ബലൂണുകളും ഉണ്ടായിരുന്നു. ‘ഞങ്ങള്‍ക്ക് വേണ്ടത് ചാന്‍സലറെയാണ്, സവര്‍ക്കറയല്ല’ എന്ന് എഴുതിയ ബാനര്‍ എസ്.എഫ്.ഐ. പ്രവര്‍ത്തകര്‍ ഉയര്‍ത്തി. ആര്‍ഷോ അടക്കം ധരിച്ച ടീ ഷര്‍ട്ടില്‍ ‘സംഘി ചാന്‍സലര്‍ വാപ്പസ് ജാവോ’ എന്ന് ഇംഗ്ലീഷില്‍ എഴുതിയിരുന്നു.