സുനുമോൾക്ക് പ്രായപൂർത്തിയായി; ഇത് സീക്രട്ട് അല്ല, ഇവിടെയൊക്കെ ആഘോഷമാണ്- ബഷീർ

മലയാളികൾക്ക് സുപരിചിതനാണ് ബഷീർ ബഷി. ബിഗ് ബോസ് ഷോയിൽ എത്തിയതോടെയാണ് താരം ഏറെ ശ്രദ്ധിക്കപ്പെടുന്നത്. ബിഗ്‌ബോസ് അവസാനിച്ച ശേഷം യൂട്യൂബ് ചാനലിലൂടെ താരം വിശേഷങ്ങളുമായി എത്തി. താരത്തിന്റെ ഭാര്യമാരും കുട്ടികളും എല്ലാം ഇപ്പോൾ മലയാളികൾക്ക് സുപരിചിതരാണ്. കുടുംബത്തിലെ എല്ലാവർക്കും യൂട്യൂബ് ചാനലുണ്ട്. ബഷീറിന്റെ ഭാര്യ മഷൂറ ഡെയ്‌ലി വ്‌ളോഗുകളുമായി സജീവമാണ്. മഷൂറ അടുത്തിടെയാണ് അമ്മയായത്.

നാളുകൾക്ക് ശേഷം കുടുംബത്തിൽ വന്നെത്തിയ പുതിയ സന്തോഷം ആഘോഷിക്കാൻ ഒരുങ്ങുകയാണ് ഇപ്പോൾ കുടുംബം. മൂത്തമകൾ സുനൈന എന്ന സുനു മോളുടെ വലിയ വിശേഷം ആണ് ഇപ്പോൾ വൈറലായി മാറുന്നത്. ബഷീർ തന്നെയാണ് ഇക്കാര്യം തുറന്നുപറയുന്നത്. സുനുമോൾ വയസ്സ് അറിയിച്ചു. ഒരു ഒന്നര വർഷമായി സുനുമോൾ വലിയ കുട്ടി ആയില്ലേ വയസ്സ് അറിയിച്ചില്ലേ എന്നൊക്കെയുള്ള കമന്റുകൾ കാണാൻ തുടങ്ങിയിട്ട്. സുനുമോൾ ഇപ്പോൾ വയസ്സ് അറിയിച്ചു. അത് ചില ഇടങ്ങളിൽ സീക്രട്ട് ആക്കി വയ്ക്കാറുണ്ട്. നമുക്ക് അങ്ങനെ അല്ല. ഒരു ഫങ്ങ്ഷൻ നടത്താൻ ഉദ്ദേശിക്കുന്നുണ്ട്.

വരുന്ന ഞായറാഴ്ച ഒരു ഫങ്ഷൻ വയ്ക്കാൻ ആണ് ഉദ്ദേശിക്കുന്നത്. ഓരോ നാട്ടിൽ ഓരോ ആചാരങ്ങളാണ്. മംഗലൂരിൽ ഒക്കെ സീക്രട്ട് ആണ്. പക്ഷേ നമ്മൾ ഇവിടെ പരിപാടി ഒക്കെയായി ആഘോഷിക്കാൻ വേണ്ടി ആലോചിക്കുകയാണ്. മഷുവിന്റെ മമ്മ ഒക്കെ വന്നിട്ടുണ്ട്. ഗ്രാൻഡ് ആക്കണം എന്നാണ് ആഗ്രഹം . സുനു ഇനി കൂടുതൽ കാര്യങ്ങൾ ശ്രദ്ധിക്കണം. പഠിക്കണം സ്വന്തം കാലിൽ നിൽക്കണം എന്നും മകളോടായി ബഷീർ പറയുന്നു.

ഇനിയുള്ള ദിവസങ്ങൾ എനിക്ക് കൂടുതൽ അധ്വാനിക്കണം. മോൾ ഒരാൾ വലുതായി, ഇനി അവളെ ഉയരങ്ങളിൽ എത്തിക്കണം. വിവാഹം കഴിപ്പിക്കണം. ഉത്തരവാദിത്വങ്ങൾ കൂടുന്നു ബഷീർ ബഷി പറയുന്നു. മകൾക്ക് വേണ്ടി ഗോൾഡ് പർച്ചേസ് ചെയ്യുന്നതും, അവൾക്ക് വേണ്ടി ചെയ്യുന്ന കാര്യങ്ങൾ ഒക്കെയും ബഷീർ പുതിയ വീഡിയോയിൽ കാണിക്കുന്നുണ്ട്.

ബഷീർ ആദ്യം പ്രണയിച്ച് വിവാഹം കഴിച്ച ആളാണ് സുഹാന.സുഹാനയുടെയും ബഷീറിന്റെയും മകളാണ് സുനു. മകളുടെ ആഘോഷത്തിന് ഒപ്പം സോനുവിന്റെയും ബഷീറിന്റെയും വിവാഹവാര്ഷിക ആഘോഷം കൂടി ആഘോഷിക്കാനുള്ള തയ്യാറെടുപ്പിലാണ് കുടുംബം. മകൾക്ക് സ്വർണ്ണാഭരണൾ വാങ്ങുന്ന കൂട്ടത്തിൽ ഭാര്യക്കും സമ്മാനം വാങ്ങിയെന്നും ബഷീർ പറയുന്നുണ്ട്.