85000 രൂപ മുടക്കി ലക്കി നമ്പർ സ്വന്തമാക്കി ബഷീർ ബഷി

സമൂഹമാധ്യമങ്ങളിലൂടെ ആരാധകരെ നേടിയെടുത്ത വൈറൽ കുടുംബമാണ് ബഷീർ ബഷിയുടേത്. ബഷീർ സോഷ്യൽ മീഡിയകളിൽ‌ വീഡിയോ ചെയ്താണ് ആരാധകരെ നേടിയതെങ്കിലും മലയാളികൾക്ക് ബഷീർ സുപരിചിതനായത് ബി​ഗ് ബോസ് മലയാളം സീസൺ ഒന്നിൽ മത്സരാർഥിയായി എത്തിയ ശേഷമാണ്. ബഷീർ ബഷി ബി​ഗ് ബോസിൽ മത്സരാർഥിയായിരിക്കെ എൺപത്തിയഞ്ചാം ദിവസമാണ് മത്സരത്തിൽ നിന്നും പുറത്തായത്. അതുവരെ ഏറ്റവും ശക്തമായി മത്സരിച്ച ചുരുക്കം ചിലരിൽ ഒരാളുമായിരുന്നു ബഷീർ ബഷി. രണ്ട് ഭാര്യമാരുണ്ടെന്ന് ബഷീർ വെളിപ്പെടുത്തിയപ്പോൾ വലിയ വിമർശനമാണ് കേൾക്കേണ്ടി വന്നത്.

എന്നാൽ പിന്നീട് വിമർശകരെ തന്നെ ബഷീർ‌ തന്റെ പ്രവൃത്തികളിലൂടെയും വീഡിയോകളിലൂടെയും ആരാധകരാക്കി മാറ്റി. സുഹാനയാണ് ബഷീറിന്റെ ആദ്യ ഭാ​ര്യ. രണ്ടാമത്തെ ഭാര്യ മഷൂറയാണ്. ഇപ്പോഴിതാ കാറിന് ലക്കി നമ്പർ സ്വന്തമാക്കിയ കഥയാണ് ബഷീർ പറയുന്നത്.

1234 എന്ന ഫാൻസി നമ്പറിന്റെ ലേലം വിളിക്കുന്ന ദിവസം ഇന്നാണെന്ന് പറഞ്ഞാണ് ബഷീർ സംസാരിച്ച് തുടങ്ങിയത്. ഓൺലൈനിലൂടെയാണ് താരം ഇതിൽ പങ്കെടുത്തതും. എല്ലാ പ്രാവശ്യവും ഓപ്പോസിറ്റ് വിളിക്കാനായി ഒരാളേ ഉണ്ടാവാറുള്ളൂ. ഇത്തവണ രണ്ടുപേരുണ്ട്. അതുകൊണ്ട് ലേലം വിളി കുറിച്ച് ടൈറ്റാണ്. 2020 ലും 2021 ലും ലേലം വിളിയിലൂടെയായാണ് ഇതേ ഫാൻസി നമ്പർ സ്വന്തമാക്കിയത്. ഇത് മൂന്നാം തവണയാണ്.

ഏത് വണ്ടിയാണ് ഇത്തവണ ഇറക്കുന്നതെന്ന് ഇതുവരെ പറഞ്ഞിട്ടില്ല. എന്റെ പിറന്നാളിന് മുൻപായി എന്തായാലും പുതിയ വണ്ടി ഇറക്കും. കഴിഞ്ഞ രണ്ട് തവണയും അങ്ങനെയായിരുന്നുവെന്ന് ബഷീർ പറയുന്നു.

ലേലം വിളിയെ കുറിച്ചും താൻ പങ്കെടുക്കുന്നത് എങ്ങനെയാണെന്നും ബഷീർ പറഞ്ഞിരുന്നു. ഇത്തവണ ലേലം വിളിക്കുന്നതിൽ എന്നെ പോലെ വല്ല ഭ്രാന്തൻമാരും ആണെങ്കിൽ ലക്ഷങ്ങളിലേക്ക് കയറി പോവുമോ എന്ന ടെൻഷനുണ്ട്. അതിനൊപ്പം നെറ്റ് വർക്ക് പ്രശ്നം വരുമോയെന്നുള്ള പേടിയുണ്ടെന്നും ബഷീർ പറയുന്നു.

ഈ പ്രാവശ്യം ലേലം കൈയ്യിൽ നിന്നും പോവാൻ ചാൻസുണ്ടെന്ന സംശയം ബഷീറിന് ഉണ്ടായിരുന്നു. എന്നാൽ ഇത് നമുക്ക് തന്നെ കിട്ടുമെന്നാണ് മഷൂറ വിശ്വസിച്ചത്. അത് പറയുകയും ചെയ്തു. ആദ്യം ടെൻഷനിലായെങ്കിലും വിട്ട് കൊടുക്കാൻ തീരുമാനിച്ചിട്ടില്ലെന്നാണ് ബഷീർ പറഞ്ഞത്. ഒടുവിൽ ലേലം സ്വന്തമാക്കി ഇഷ്ട നമ്പർ ബഷീർ സ്വന്തമാക്കിയിരിക്കുകയാണ്.

15000 രൂപയിൽ തുടങ്ങിയ ലേലം അവസാനിച്ചത് 85000 ലായിരുന്നു. അങ്ങനെ മൂന്നാം തവണയും തന്റെ ലക്കി നമ്പർ തന്നെ സ്വന്തമാക്കിയ സന്തോഷം ബഷീറിനൊപ്പം ഭാര്യമാരും പങ്കുവെച്ചു. രണ്ട് ദിവസത്തിനുള്ളിൽ പുതിയ വണ്ടിയെ കുറിച്ചുള്ള വിശേഷങ്ങൾ പറയുന്നതായിരിക്കും. പുതിയ വണ്ടിയുടെ പേപ്പർ വർക്കെല്ലാം ക്ലിയറാണെന്നും താരം പറഞ്ഞു.