എനിക്ക് പിറക്കാതെ പോയ എന്റെ മകളാണ് അവന്തിക, അവളുടെ കല്യാണത്തിന് മുന്നിൽ ഞാനുണ്ടായിരുന്നു- ബീന ആന്റണി

മിനിസ്‌ക്രീനിലും ബിഗ് സ്‌ക്രീനിലും ഒരുപോലെ തിളങ്ങി നിൽക്കുന്ന നടിയാണ് ബീന ആന്റണി. ബീനയുടെ ഭർത്താവ് മനോജിന്റെയും മകൻ ആരോമലിന്റെയും വിശേഷങ്ങൾ അറിയാൻ പ്രേക്ഷകർക്ക് താത്പര്യമാണ്. അടുത്തിടെ കുടുംബത്തിൽ ചില പ്രതിസന്ധികൾ ഉണ്ടായ ഘട്ടത്തിൽ ഒപ്പം നിന്ന തങ്ങളുടെ പ്രിയ ആരാധകർക്ക് നന്ദിയും കുടുംബം അറിയിച്ചിരുന്നു.

വർഷങ്ങൾക്ക് ശേഷം പ്രിയപ്പെട്ട മകൾക്കരികിലേക്കെത്തിയ സന്തോഷം പങ്കിട്ടെത്തിയിരിക്കുകയാണ് ബീന ആന്റണി. ആത്മസഖി മുതൽ തുടങ്ങിയ ബന്ധമാണ് ഞങ്ങളുടേത്. അമ്മ മകൾ ബന്ധമാണ്, തുടക്കത്തിൽ അവൾ എന്നെ ചേച്ചിയെന്നായിരുന്നു വിളിച്ചത്. പിന്നീടത് മാഡമാക്കി. എന്നെ അങ്ങനെയൊന്നും വിളിക്കല്ലേയെന്ന് പറഞ്ഞതിന് ശേഷമായാണ് അമ്മ എന്ന് വിളിച്ച് തുടങ്ങിയത്. മനുവിനെ അച്ഛായെന്ന് വിളിക്കുമ്പോൾ മനു ദേഷ്യം കാണിക്കാറുണ്ടായിരുന്നു.

അവന്തികയുടെ കല്യാണത്തിന് ഞങ്ങളൊക്കെ പോയിരുന്നു. അവളുടെ വിവാഹത്തിന് ഞാനും എല്ലാത്തിനും മുന്നിലുണ്ടായിരുന്നു. ഞാൻ അവളെ പ്രസവിച്ച അമ്മയാണ്, അവൾ എല്ലാത്തിലും അമ്മയുടെ സാന്നിധ്യം ആഗ്രഹിച്ചിരുന്നു. അതാണ് അങ്ങനെ ചെയ്തതെന്നായിരുന്നു ബീനയെക്കുറിച്ച് അവന്തികയുടെ അമ്മ പറഞ്ഞത്. ഗർഭിണിയായ സമയത്തും പ്രസവ ശേഷമുള്ള കാര്യങ്ങളെക്കുറിച്ചുമെല്ലാം അവൾ വിളിച്ച് സംസാരിക്കുമായിരുന്നു. എനിക്ക് വയ്യാതായിരുന്ന സമയത്ത് അവൾ അമ്പലത്തിൽ പോയി പ്രാർത്ഥിച്ചിരുന്നു.

ബിഗ് സ്‌ക്രീനിൽ തിളങ്ങിയിരുന്ന ബീന ഇപ്പോൾ മിനിസ്‌ക്രീനിൽ നിറഞ്ഞ് നിൽക്കുകയാണ്. നിരവധി സിനിമകളിൽ വേഷമിട്ടെങ്കിലും നടി ഏറെ ശ്രദ്ധിക്കപ്പെടുന്നത് മിനിസ്‌ക്രീനിലൂടെയാണ്. 1986ൽ ഒന്നു മുതൽ പൂജ്യം വരെ എന്ന സിനിമയിൽ ബാലതാരമായി എത്തിയാണ് ബീന ആന്റണി അഭിനയരംഗത്തേക്ക് എത്തുന്നത്. ഡിഡി മലയാളം ചാനലിലെ ഇണക്കം പിണക്കം എന്ന സീരിയലിലൂടെയാണ് 1992ൽ താരം മിനിസ്‌ക്രീൻ രംഗത്ത് സജീവമായത്.