ഇത് ഭാമ തന്നെയാണോ,ചിത്രം കണ്ട് അമ്പരന്ന് ആരാധകർ

2007 ൽ ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെമലയാള സിനിമക്ക് ലഭിച്ച താരമാണ് ഭാമ. പരസ്യ രംഗത്ത് നിന്നുമാണ് ഭാമ സിനിമയിലേക്ക് എത്തിയത്.ഒരു പരസ്യ ചിത്രത്തിന്റെ ഇടക്ക് ലോഹിതദാസ് ഭാമയെ കാണാൻ ഇടയായതാണ് ഭാമയുടെ സിനിമ അരങ്ങേറ്റത്തിന്റെ തുടക്കം.പിന്നീട് തെന്നിന്ത്യയിലെ എല്ലാ ഭാഷകളിലും ഭാമ താരമായി.

അടുത്തിടെയാണ് ഭാമയുടെ വിവാഹം കഴിഞ്ഞത്.കുടുംബ സുഹൃത്തായ അരുൺ ജഗദ്ദീഷിനെയാണ് താരം വിവാഹം ചെയ്തിരിക്കുന്നത്.വിവാഹ ശേഷം ഇരുവരുടെയും വിശേഷങ്ങൾ അറിയാൻ ആരാധകർക്ക് വലിയ താൽപര്യമാണ്.സോഷ്യൽ മീഡിയയിൽ താരം പങ്കുവെയ്ക്കുന്ന പോസ്റ്റുകൾ ആരാധകർ ഏറ്റെടുക്കാറുണ്ട്.എന്നാൽ ഇപ്പോൾ താരം പങ്കുവച്ച പുതിയ മേക്ക് ഓവർ ചിത്രമാണ് വൈറലായി മാറാണുന്നത്.

ഇത് ഭാമ തന്നെയാണോ എന്ന് ഒറ്റ നോട്ടത്തിലൂടെ മനസിലാക്കാൻ സാധിക്കില്ലെന്നാണ് ആരാധകർ പറയുന്നത്.ചിത്രത്തിൽ നിന്ന് കവിളുകൾ കുറഞ്ഞ് നീണ്ടമുഖമായി മാറിയതായാണ് മനസിലാക്കാനാകുന്നത്.ആരാധകർ കമന്റുകളിലൂടെ എന്തൊരു മാറ്റമാണിതെന്നും പെട്ടെന്ന് കണ്ടാൽ മനസിലാക്കാനാകില്ലെന്നുമൊക്കെ ചൂണ്ടിക്കാട്ടുന്നുണ്ട്.ആരാധകർക്ക് പുറമേ താരങ്ങളും കമന്റുകളുമായി എത്തിയിട്ടുണ്ട്.വീണ നായർ,രാധിക,പ്രിയ മോഹൻ,പ്രിയങ്ക നായർ,നമിത,മാളവിക മേനോൻ എന്നിവരൊക്കെ കമന്റുകൾ കുറിച്ചിട്ടുണ്ട്

2016ൽ പുറത്തിറങ്ങിയ മറുപടി എന്ന ചിത്രമാണ് ഭാമയുടെതായി ഒടുവിൽ ശ്രദ്ധേയമായ ചിത്രം.റഹ്മാൻ നായകനായ ചിത്രം വിഎം വിനുവായിരുന്നു സംവിധാനം ചെയ്തത്.കന്നഡത്തിൽ രാഗാ എന്ന ചിത്രവും നടിയുടെതായി ഒടുവിൽ പുറത്തിറങ്ങി.മലയാളം കഴിഞ്ഞാൽ കന്നഡ സിനിമകളിലായിരുന്നു നടി കൂടുതൽ അഭിനയിച്ചിരുന്നത്.അഞ്ചിലധികം കന്നഡ സിനിമകളിൽ ഭാമ തന്റെ കരിയറിൽ അഭിനയിച്ചിരുന്നു.