‘ബിഗ് ബോസ്, എനിക്ക് ഈ വീട്ടിലെ ഒരാളോട് ഭയങ്കര ഇഷ്ടമാണ്; രഹസ്യം വെളിപ്പെടുത്തി സൂര്യ

ബിഗ് ബോസ് മലയാളം സീസണ്‍ 3യിലെ ഇമോഷണല്‍ ക്യാരക്ടറെന്നാണ് സൂര്യ അറിയപ്പെടുന്നത്. ഇപ്പോഴിതാ ബിഗ്‌ബോസ് ഹൗസില്‍ ഒരു രഹസ്യം വെളിപ്പെടുത്തിയിരിക്കുകയാണ് സൂര്യ. മറ്റാരും കാണാതെ രഹസ്യമായി ബിഗ്‌ബോസിനോടാണ് സൂര്യ രഹസ്യം വെളിപ്പെടുത്തുന്നത്. ബിഗ് ബോസിലെ ഒരാളോട് തനിക്ക് ഇഷ്ടമാണെന്നാണ് സൂര്യ പറയുന്നത്. കുളത്തിലെ വെള്ളത്തില്‍ വിരലുകള്‍ ഓടിച്ച് പാട്ടൊക്കെ പാടി ഫുള്‍ റൊമാന്റിക് മൂഡിലായിരുന്നു സൂര്യയുടെ വെളിപ്പെടുത്തല്‍. ബിഗ് ബോസ് അണിയറ പ്രവര്‍ത്തകര്‍ പുറത്ത് വിട്ട വീഡിയോയിലാണ് സൂര്യ തന്റെ ഇഷ്ടം തുറന്നു പറഞ്ഞിരിക്കുന്നത്.

പൂങ്കാറ്റിനോടും കിളികളോടും എന്ന പാട്ടു പാടിയാണ് സൂര്യ കഥ പറഞ്ഞു തുടങ്ങുന്നത്. ബിഗ് ബോസ് എനിക്ക് ഈ വീട്ടിലെ ഒരാളോട് ഭയങ്കര ഇഷ്ടമാണ്. ആരാണെന്നൊന്നും പക്ഷെ പറയില്ല. ഒരു ക്രഷ്. നാളെ ഞാന്‍ പോകുമോ എന്നറിയില്ല. പോയാല്‍ അത് പറയാതെ പോയ പ്രണയമായിട്ട് ഈ ബിഗ് ബോസിനുള്ളില്‍ അവശേഷിക്കും. പുറത്ത് വച്ച് എന്തായാലും പറയില്ല. ഉള്ള സൗഹൃദം കളയാന്‍ വയ്യ. ആരാണെന്ന് പറയില്ല. ക്ലൂവും തരില്ല എന്നായിരുന്നു സൂര്യ മനസ് തുറന്നത്.

എന്നാല്‍ വീഡയോയ്ക്ക് രസകരമായ കമന്റുകള്‍ നല്‍കി രംഗത്തെത്തിയിരിക്കുകയാണ് പ്രേക്ഷകര്‍. ‘പറയണ്ട ഞങ്ങള്‍ക്കറിയാം മോളെ. അവന്റെ പേരു മണിയിലുണ്ട് കെണിയിലില്ല കുട്ടനിലുണ്ട് പൊട്ടനില്‍ ഇല്ല എന്നാണ് വീഡിയോയ്ക്ക് ലഭിച്ച ഒരു കമന്റ്. ‘അഡോണി കേള്‍ക്കേണ്ട ഉറക്കത്തില്‍ എഴുന്നേറ്റു ഞാന്‍ ആണോ എന്ന് ചോദിച്ചു വരും’ എന്നാണ് മറ്റൊരു കമന്റ്.

ഇതിനു പിന്നാലെ ബിഗ് ബോസ് അണിയറ പ്രവര്‍ത്തകര്‍ തന്നെ സൂര്യയെ ട്രോളി രംഗത്തെത്തിയിട്ടുണ്ട്. മണിക്കുട്ടന്‍, സൂര്യ, റിതു മന്ത്ര എന്നിവരുടെ രംഗങ്ങള്‍ ചേര്‍ത്തു വച്ചു കൊണ്ടായിരുന്നു ട്രോള്‍ വീഡിയോയുമായി അണിയറ പ്രവര്‍ത്തകരെത്തിയത്. തേന്മാവിന്‍ കൊമ്പത്തിലെ രംഗങ്ങളുമായാണ് വീഡിയോ കോര്‍ത്തിണക്കിയിരിക്കുന്നത്. നമ്മള്‍ കാണാതെ പോയ ആ കാര്‍ത്തുമ്പിപെണ്ണ് ഇന്നും ബിഗ്‌ബോസ് വീട്ടില്‍ കണ്ണീരും കിനാവുമായി അലഞ്ഞുതിരിയുന്നുണ്ട്. പക്ഷെ മാണിക്യനോ? എന്നാണ് വീഡിയോയ്ക്ക് നല്‍കിയിരിക്കുന്ന ക്യാപ്ഷന്‍.