ബിഹാറിൽ ബിജെപി നേതാവ് വെടിയേറ്റ് മരിച്ചു

പട്‌ന: ബിജെപി പ്രാദേശിക നേതാവ് വെടിയേറ്റ് മരിച്ചു. സഞ്ജീവ് മിശ്ര എന്ന ആളാണ് കൊല്ലപ്പെട്ടത്. കതിഹാർ മേഖലയിൽ ടെൽറ്റ പോലീസ് സ്റ്റേഷൻ പരിധിയിലാണ് സംഭവം. മിശ്രയുടെ വീടിന് സമീപത്ത് വെച്ച് ബൈക്കിലെത്തിയ രണ്ട് പേർ ചേർന്ന് ഇയാൾക്ക് നേരെ വെടിയുതിക്കുകയായിരുന്നു.

സംഭവസ്ഥലത്ത് വെച്ച് തന്നെ മിശ്ര മരണപ്പെട്ടു. ബിജെപി പ്രവർത്തകർ ആക്രമണത്തിൽ പ്രതിഷേധം രേഖപ്പെടുത്തിയിട്ടുണ്ട്. മുമ്പ് പ്രദേശത്തുണ്ടായ ഒരു സംഘർഷത്തിന്റെ തുടർച്ചയാണ് കൊലപാതകമെന്നാണ് പോലീസിന്റെ വിശദീകരണം.

സംഭവത്തിൽ അന്വേഷണം പുരോഗമിക്കുകയാണ്. മിശ്രയുടെ മൃതദേഹം പോസ്റ്റ് മോർട്ടം നടപടികൾക്കായി ആശുപത്രിയിലേക്ക് മാറ്റി. കൂടുതൽ അനിഷ്ടസംഭവങ്ങൾ ഉണ്ടാകാതിരിക്കാൻ പോലീസ് നടപടിയെടുത്തിട്ടുണ്ട്.