നീയൊക്കെ എന്തിനാടോ ഹിന്ദുക്കളുടെ ഓണം ആഘോഷിക്കുന്നത്, വർ​ഗീയ കമന്റിന് തകർപ്പൻ മറുപടി

മലയാളികളുടെ പ്രിയ നടനാണ് ബിനീഷ് ബാസ്റ്റിൻ. മലയാളം, തമിഴ് ഭാഷകളിലായി നിരവധി സിനിമകളിൽ വില്ലൻ വേഷങ്ങളിൽ എത്തിയ താരമാണ് ബിനീഷ് ബാസ്റ്റിൻ. സ്റ്റാർ മാജിക്ക് പരിപാടിയിൽ സജീവമാണ് താരം. വീട്ടിലെ വിശേഷങ്ങളും നാട്ടുവർത്താമനങ്ങളുമൊക്കെ താരം സോഷ്യൽ മീഡിയ വഴി പങ്കുവെക്കാറുണ്ട്. ബിനീഷിന്റെ പുത്തൻ പോസ്റ്റാണ് ഇപ്പോൾ ശ്രദ്ധ നേടുന്നത്, തനിക്കു വന്ന മോശം കമന്റിന് മറുപടിയാണ് പോസ്റ്റിലൂടെ നൽകുന്നത്.

ടീമേ..ഓണം മലയാളികളുടെ ദേശിയഉത്സവമാണ്, ഞങ്ങൾ ആഘോഷിക്കും. ബിനിഷ് ബാസ്റ്റിനും അനസ് പാണാവള്ളിയും സാലു കുമ്പളങ്ങിയും ഞങ്ങൾ ചങ്കുകളാണ്. ഇവിടെ വർഗീയത പുലമ്പാൻ ആളെ ആവശ്യമില്ല, വർഗിയത തുലയട്ടെ എന്ന് കുറിച്ചുകൊണ്ടാണ് ബിനീഷിൻറെ പോസ്റ്റ്.
തുഷാര അജിത് എന്നൊരു പ്രൊഫൈലിൽ നിന്നുള്ള കമൻറിൻറെ സ്ക്രീൻ ഷോട്ടാണ് താരം പങ്കുവെച്ചിരിക്കുന്നത്. നീയൊക്കെ എന്തിനാടോ ഹിന്ദുക്കളുടെ ഓണം ആഘോഷിക്കുന്നത്. ഇത് ക്രിസ്ത്യാനിയുടേയും മുസ്ലീമിൻറേയും ആഘോഷമല്ല. ഇന്നലെ മുസ്ലിംപെൺകുട്ടികളുടെ ഓണത്തിൻറെ പരിപാടികളിൽ ആടലും ഡാൻസും ചാട്ടവും ഒക്കെ കണ്ടപ്പോൾ ഇന്ത്യ എന്ന ഹിന്ദുരാഷ്ട്രം ഇസ്ലാമിക രാഷ്ട്രം എന്നായി പോയോ എന്നൊരു തോന്നൽ, എന്നായിരുന്നു കമന്റ്

പാണ്ടിപ്പട, പോക്കിരിരാജ, പാസഞ്ചർ, അണ്ണൻ തമ്പി, എയ്ഞ്ചൽ ജോൺ, പോക്കിരി രാജ, ഡബിൾ ബാരൽ, കട്ടപ്പനയിലെ ഋത്വിക് റോഷൻ, ആക്ഷൻ ഹീറോ ബിജു, വിജയ് ചിത്രം തെരി, പൊറിഞ്ചു മറിയം ജോസ് തുടങ്ങി എൺപതിലേറെ സിനിമകളുടെ ഭാഗമായിട്ടുള്ള ബിനീഷ് നായകനായി അഭിനയിക്കുന്ന സിനിമ പുറത്തിറങ്ങാനായി ഒരുങ്ങുകയുമാണ്.