ആദ്യം പെയിന്റിം​ഗ് ജോലിയായിരുന്നു, ടിവി ഷോകളാണ് ജീവിതം മാറ്റിമറിച്ചത്, ബിനു അടിമാലി

ടിവി ചാനലിൽ പരിപാടികൾ അവതരിപ്പിക്കാൻ വിളിച്ചതാണ് ജീവിതത്തിൽ വഴിത്തിരിവായതെന്ന് തുറന്നു പറഞ്ഞ് പ്രിയ താരം ബിനു അടിമാലി. രസികരാജ നമ്പർ വൺ ആണ് ജീവിതം മാറ്റി മറിച്ചതെന്നും ബിനു പറയുന്നു. അതിനു ശേഷം ആണ് കോമഡി സ്റ്റാർ വരുന്നത്. അതോടെ കൂടുതൽ പരിപാടികളും ചാനൽ പ്രോഗ്രാമുകളും കിട്ടിത്തുടങ്ങി.

മിനിസ്‌ക്രീനിലെ പ്രകടനം കണ്ടു മണിയൻ പിള്ള രാജുവാണ് സിനിമയിൽ ആദ്യമായി വേഷം വാങ്ങികൊടുക്കുന്നത്. തൽസമയം ഒരു പെൺകുട്ടിയിലൂടെ ബിഗ് സ്ക്രീനിലേക്കെത്തി. മിമിക്രിയിൽ എത്തുന്നതിന് മുൻപ് പെയ്ന്റിംഗ് പണിക്കും പോകുമായിരുന്നു. കട്ട കെട്ടി തേക്കാത്ത ചുവരുകളുള്ള, മേൽക്കൂരയിൽ പുല്ലു മേഞ്ഞ വീടായിരുന്നു. തുടർന്ന് സിനിമയിൽ അവസരം ലഭിച്ചപ്പോൾ ആലുവയിൽ വാടക വീട്ടിലേക്ക് മാറി. സിനിമയിൽ നിരവധി വേഷങ്ങൾ ലഭിച്ചതോടെ സമ്പാദ്യങ്ങളെല്ലാം സ്വരൂക്കൂട്ടി അഞ്ചു സെന്റ് ഭൂമി വാങ്ങി. കഴിഞ്ഞ വർഷം വീടുപണിതു.

മിമിക്രിയിലെ തന്റേതായ ശൈലികൊണ്ട് സിനിമ ലോകത്തേക്ക് എത്തിയ കലാകാരനാണ് ബിനു അടിമാലി. നടനും നിർമാതാവുമായ മണിയൻ പിള്ള രാജുവാണ് ബിനുവിന് സിനിമയിൽ ആദ്യമായി ഒരു വേഷം നൽകിയത്. ആദ്യ ചിത്രം തൽസമയം ഒരു പെൺകുട്ടിയാണ്. തുടർന്ന് ഇതിഹാസ, പാവാട, പത്തേമാരി, കിങ് ലയർ, ജോർജേട്ടൻസ് പൂരം, കാർബൺ തുടങ്ങി അമ്പതോളം സിനിമകളിൽ ബിനു ഇതിനോടകം അഭിനയിച്ചു. കൃഷിക്കാരായ അച്ഛന്റെയും അമ്മയുടേയും മകനായ ബിനു മിമിക്രിയിൽ എത്തുന്നതിന് മുൻപ് പെയ്ന്റിംഗ് പണിക്കും പോകുമായിരുന്നു. മമ്മൂട്ടി നായകനായ ഷൈലോക്ക് എന്ന ചിത്രമാണ് ബിനു അഭിനയച്ച് അവസാനം റിലീസ് ചെയ്ത ചിത്രം. ധന്യയാണ് ബിനുവിന്റെ ഭാര്യ. പ്രണയവിവാഹമായിരുന്നു ഇരുവരുടേതും. മൂന്നു മക്കളാണ് ബിനുവിന്. മൂത്തവൻ ആത്മിക് പ്ലസ് ടുവിനും . രണ്ടാമത്തവൾ മീനാക്ഷി ഏഴാം ക്ലാസിലും. ഇളയവൾ ആമ്പൽ 3 വയസ്സുകാരിയും ആണ് ബിനുവിന്റെ ലോകം.