തെരുവിൽ നിന്ന് പണം മോഷ്ടിച്ചു കൊണ്ടുവന്ന് വീട്ടിൽ നിക്ഷേപിക്കുന്ന പക്ഷി, വൈറൽ വീഡിയോ

പണം കൊക്കിലാക്കി കൊണ്ടു വരുന്ന പക്ഷിയുടെ വീഡിയോ സോഷ്യൽ മീഡിയയിൽ തരം​ഗമാകുന്നു. ഒരു പക്ഷിയാണ് വീഡിയോയുടെ ശ്രദ്ധാ കേന്ദ്രം. അതിന്റെ കൊക്കിൽ കറൻസി നോട്ടുണ്ട്. വീട്ടിലേക്ക് പറന്നുവന്ന പക്ഷി അതുകൊണ്ട് പോയി ഒരു ‍ഡ്രോയറിൽ നിക്ഷേപിക്കുകയാണ്. ആ ഡ്രോയറിൽ വേറെയും പൈസയുണ്ട്. അപ്പോൾ അങ്ങോട്ട് ഒരു നായ വരികയും പക്ഷി ഡ്രോയറിലേക്ക് പണമിടുന്നത് നോക്കി നിൽക്കുകയും ചെയ്യുന്നുണ്ട് ഇതാണ് സെക്കൻഡുകൾ മാത്രമുള്ള വീഡിയോയുടെ സാരാംശം വീഡിയോയുടെ കാപ്ഷനിൽ ആ വീഡിയോ പകർത്തിയിരിക്കുന്നത് ചൈനയിൽ നിന്നുമാണ് എന്ന് പറഞ്ഞിട്ടുണ്ട്.

മേശയിലുള്ള പണമെല്ലാം പക്ഷിയുടെ സമ്പാദ്യമാണോ എന്നാണ് കമന്റ് ബോക്സുകളിൽ ഉയരുന്ന സംശയം. ഏതായാലും പക്ഷിയുടെ ഉടമയ്ക്ക് വേറെ പണിക്കൊന്നും പോവേണ്ടിവരില്ലെന്നാണ് വിഡിയോ കാണുമ്പോൾ തോന്നുക. Ataharekat എന്ന എക്സ് (ട്വിറ്റർ) ഉപയോക്താവാണ് വിഡിയോ പങ്കുവെച്ചിരിക്കുന്നത്. ഓഗസ്റ്റ് 31നാണ് വിഡിയോ പോസ്റ്റ് ചെയ്തത്. കാക്കയാണോ തത്തയാണോ എന്ന സംശയമൊക്കെ വിഡിയോയ്ക്ക് താഴെ നിറയുന്നുണ്ട്. ഏതായാലും ലക്ഷങ്ങൾ പലതവണ വിഡിയോ കണ്ടു രസിച്ചു കഴിഞ്ഞു. പലർക്കും ഇതുപൊലൊരു പക്ഷിയെ കിട്ടിയാൽ കൊള്ളാമെന്നുമുണ്ട്