യുപിയിൽ നിർബന്ധിത മതപരിവർത്തനമെന്ന് ബിജെപി പരാതി; ഒമ്പത് പേർക്കെതിരെ കേസ്

മീററ്റ്. ഉത്തരപ്രദേശിലെ മീററ്റില്‍ ഹിന്ദുക്കളെ നിര്‍ബന്ധിച്ച് മതംമാറ്റിയ സംഭവത്തില്‍ കൂടുതല്‍ വിവരങ്ങള്‍ പുറത്ത്. മംഗാട് പുരത്തുള്ള മാലിന്‍ ഗ്രാമത്തിലെ ആളുകളെയാണ് നിര്‍ബന്ധിച്ച് ക്രിസ്തുമതത്തിലേക്ക് മതപരിവര്‍ത്തനം നടത്തിയത്. ഇത്തരത്തില്‍ ഭീഷണിപ്പെടുത്തി 400 പേരെ മതം മാറ്റിയെന്നാണ് വിവിരം. സംഭവത്തില്‍ 9 പേര്‍ക്കെതിരെ മതപരിവര്‍ത്തന നിരോധന നിയമപ്രകാരം കേസെടുത്തു.

പ്രതികളുടെ ഭീഷണിയില്‍ വലഞ്ഞ ചിലര്‍ നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് മീററ്റില്‍ ശക്തി പ്രാപിച്ചു കൊണ്ടിരിക്കുന്ന വലിയ മത പരിവര്‍ത്തന റാക്കറ്റിനെ പിടികൂടുന്നത്. കോവിഡിന്റെ മറവിലാണ് ഇവര്‍ മത പരിവര്‍ത്തനം ആരംഭിച്ചത്. ചേരി നിവാസികള്‍ക്ക് ഭക്ഷണവും മറ്റ് സൗകര്യങ്ങളും നല്‍കി സൗഹൃദം സ്ഥാപിച്ചാണ് മത പരിവര്‍ത്തനത്തിന് തുടക്കം ഇട്ടത്.

പിന്നീട് ഇവരോട് മതം മാറുവാന്‍ ആവശ്യപ്പെടുകയായിരുന്നു സംഘം. എന്നാല്‍ ഇവര്‍ എതിര്‍ത്തതോടെ ഭീഷണിയായി. ഹിന്ദു ആചാരങ്ങളില്‍ പങ്കെടുക്കെരുതെന്നും വിഗ്രഹങ്ങള്‍ നശിപ്പിക്കണമെന്നും ആവശ്യപ്പെട്ടു. പളളികള്‍ സന്ദര്‍ശിക്കണമെന്ന് ആവശ്യപ്പെട്ട സംഘം പേര് മാറ്റുവാനും ആവശ്യപ്പെട്ടു. ദീപാവലി ദിവസം ഹിന്ദുക്കളുടെ വീട്ടില്‍ കയറി സംഘം വിഗ്രഹങ്ങളും ചിത്രങ്ങളും നശിപ്പിച്ചു. പൂജ നടത്തുന്നതില്‍ ഭീഷണിപ്പെടുത്തിയതോടെ ഗ്രാമ വാസികള്‍ ബിജെപി നേതാക്കളെ കണ്ട് കാര്യം പറയുകയായിരുന്നു.

ഡല്‍ഹിയിലെ ഒരു പാസ്റ്ററാണ് സംഭവത്തിന് പിന്നിലെന്നാണ് വിവരം. മതംമാറ്റി സ്ഥലം തട്ടിയെടുക്കുവനാണ് സംഘം ലക്ഷ്യമിട്ടിരുന്നത്. ഗ്രാമത്തിലെ ഹിന്ദു പെണ്‍കുട്ടകളെ ക്രിസ്ത്യന്‍ യുവാക്കളെ കൊണ്ട് വിവാഹം കഴിപ്പിച്ചതായും പരാതിയുണ്ട്.