രാമനെ ആരാധിക്കുന്നവർ അവർക്ക് വോട്ട് ചെയ്യണമെന്ന് ബിജെപി ആഗ്രഹിക്കുന്നു, കോൺഗ്രസിലും രാമനെ വിശ്വസിക്കുന്നവരുണ്ടെന്ന് ശശി തരൂർ

തിരുവനന്തപുരം. രാമനെ ആരാധിക്കുന്നവര്‍ എല്ലാവരും ബിജെപിക്ക് വോട്ട് ചെയ്യണമെന്ന് അവര്‍ ആഗ്രഹിക്കുന്നു. എന്നാല്‍ കോണ്‍ഗ്രസിലും രാമനെ ആരാധിക്കുന്നവരുണ്ട്. ക്ഷേത്ര പ്രതിഷ്ഠാ ചടങ്ങില്‍ പങ്കെടുക്കാത്തവര്‍ എല്ലാവരും ഹിന്ദുവിരുദ്ധരാണെന്നാണ് അവര്‍ ആരോപിക്കുന്നത്. താന്‍ സോഷ്യല്‍ മീഡിയയില്‍ വ്യക്തിപരമായ ഭക്തി പ്രകടിപ്പിച്ചിരുന്നു. രാമക്ഷേത്രത്തെ എതിര്‍ക്കുന്നില്ലെന്നും ആ ചടങ്ങിനെയാണ് എതിര്‍ത്തതെന്നും ശശി തരൂര്‍.

മതേതരത്വത്തിന്റെ അര്‍ഥം പ്രത്യേക മതത്തിനുവേണ്ടി താല്‍പര്യം കൊടുക്കാന്‍ പാടില്ലെന്നാണ്. താന്‍ മുമ്പ് നടത്തിയ പ്രസ്താവന മതേതര വിശ്വാസികള്‍ക്ക് ഒരു മുറിവും ഉണ്ടാക്കിയിട്ടില്ലെന്നും ഇതിന്റെ പേരില്‍ മാപ്പ് പറയേണ്ട കാര്യമില്ലെന്നും ശശി തരൂര്‍ വ്യക്തമാക്കി.

ജയ് ശ്രീരാം എന്നത് രാഷ്ട്രീയ മുദ്രവാക്രമാണ്. എന്നാല്‍ ഉത്തരേന്ത്യയില്‍ ഉളളവര്‍ ഗുഡ്‌മോര്‍ണിങ്ങിന് പകരം ജയ് സിയാരാം എന്നാണ് പറയുക. സീതയ്‌ക്കൊപ്പമുള്ള രാമനെയാണ് എല്ലാവരും ആരാധിക്കുന്നത്. സീതയെ മനപ്പൂര്‍വം ഒഴിവാക്കാന്‍ ശ്രമിക്കുന്നത് പോലെ അതിനെതിരെയാണ് തന്റെ പ്രസ്താവനയെന്നും ശശി തരൂര്‍.