വീട്ടുകാർ വേണ്ടെന്ന് പറഞ്ഞിട്ടും അനുസരിച്ചില്ല, മയക്കുമരുന്നിന് അടിമയായ കാമുകനെ വിവാഹം ചെയ്തു, നവവധുവിന്റെ മരണത്തിൽ ദുരൂഹതയുണ്ടെന്ന് കുടുംബം

എറണാകുളം: ചേരാനല്ലൂരിൽ നവവധുവിനെ തൂങ്ങി മരിച്ച സംഭവത്തിൽ ദുരൂഹത ആരോപിച്ച് പെൺകുട്ടിയുടെ കുടുംബം രംഗത്ത്. അനഘ എന്ന പെൺകുട്ടിക്കാണ് വീട്ടുകാരുടെ വാക്കിനെ മറികടന്ന് മയക്കുമരുന്നിന് അടിമയായ കാമുകനെ വിവാഹം ചെയ്ത് ഈ ദുരന്തം ഉണ്ടായത്. മകളുടെ നിർബന്ധപ്രകാരമാണ് ഇത്തരമൊരു വിവാഹം നടന്നതെന്ന് പിതാവ് പറയുന്നു. കലൂർ സ്വദേശിയായ രാകേഷ് പെൺകുട്ടിയുമായി പ്രണയത്തിലായിരുന്നു.

പെൺകുട്ടിയോട് ഈ ബന്ധം ഉപേക്ഷിക്കാൻ വീട്ടുകാർ പറഞ്ഞെങ്കിലും ഫലമുണ്ടായില്ല. വിവാഹത്തിന് മുൻപ് തന്നെ യുവാവ് മയക്കുമരുന്നിന് അടിമയാണെന്ന സൂചനകൾ കുടുംബത്തിന് ലഭിച്ചിരുന്നു. എന്നാൽ യുവാവ് പെൺകുട്ടിയെ ഭീഷണിപ്പെടുത്തി വിവാഹത്തിലേക്ക് ബന്ധത്തെ എത്തിക്കുകയായിരുന്നു. എന്നാൽ വെറും നാല് മാസം മാത്രമാണ് ബന്ധം നീണ്ടത്. പിന്നാലെ പെൺകുട്ടിയുടെ മരണവാർത്തയും എത്തി.

പെൺകുട്ടിയുടെ ഫോണിൽ യുവാവ് മയക്കുമരുന്നിന് അടിമയാണെന്നതിന്റെ തെളിവുകൾ ഉണ്ടെന്ന് കുടുംബം പറയുന്നു. എന്നാൽ പെൺകുട്ടിയുടെ മരണത്തിന് പിന്നാലെ ഈ ഫോണും കാണാതായി. മകളുടെ മരണത്തിൽ യുവാവിനും കുടുംബത്തിനും ഒന്നടങ്കം പങ്കുള്ളതായി മാതാപിതാക്കൾ പറയുന്നു.

വീഡിയോ സ്റ്റോറി കാണാം