മന്ത്രി പറഞ്ഞത് പച്ചക്കള്ളം ;നിരക്കു വർധനവ് പിൻവലിച്ചിട്ടില്ല

തിരുവനന്തപുരം∙ കോവിഡ് കാലത്ത് ബസ് നിരക്കിൽ ഏർപ്പെടുത്തിയ അധിക വർധന പിൻവലിച്ചില്ലെന്ന് ഗതാഗതമന്ത്രി ആന്റണി രാജുവിന്റെ പ്രസ്താവന പച്ചക്കള്ളം. സൂപ്പർഫാസ്റ്റ് ഉൾപ്പെടെ ബസുകളിൽ ഇപ്പോഴും ഈടാക്കുന്നത് കോവിഡ് കാലത്തെ ഉയർന്ന നിരക്ക് തന്നെയാണെന്ന് അന്വേഷണത്തിൽ വ്യക്തമായിരിക്കുകയാണ്.

കെഎസ്ആർടിസിയിൽ നടക്കുന്ന മറ്റൊരു പകൽകൊള്ളയാണ് പുറത്തുവരുന്നത്. 2018ലാണ് ഇതിന് മുൻപ് സംസ്ഥാനത്ത് ബസ് ചാർജ് വർധിപ്പിച്ചത്. 2020ൽ കോവിഡ് കാലത്തെ നിയന്ത്രണങ്ങളുടെ പശ്ചാത്തലത്തിൽ 25 ശതമാനം വരെ വർധനവുണ്ടായിരുന്നു. ഇതു നിലനിൽക്കെയാണ് പുതിയ ബസ് ചാർജ് വർധന വരാൻ പോകുന്നത്. എന്നാൽ, കോവിഡ് കാലത്തെ നിരക്കുകൾ നേരത്തേ തന്നെ പിൻവലിച്ചെന്നാണു മന്ത്രി കഴിഞ്ഞ ദിവസം അവകാശപ്പെട്ടത്.