ഹെൽമറ്റുമില്ല ലൈസൻസും ഇല്ല, ധനുഷിന്റെ മകന് പിഴയിട്ട് ചെന്നൈ പോലീസ്

ചെന്നൈ : ഹെൽമറ്റും ലൈസൻസും ഇല്ലാതെ വാഹനമോടിച്ചതിന് നടൻ ധനുഷിന്റെ മകന് പിഴയിട്ട് ചെന്നൈ പോലീസ്. 17-കാരൻ യാത്രരാജിനാണ് പോലീസ് പിഴ ചുമത്തിയത്. ഹെൽമറ്റ് ഇല്ലാത്തതിനും ലൈസൻസ് ഇല്ലാതെ ബൈക്ക് ഓടിച്ചതിനും 1000 രൂപയാണ് പിഴയിട്ടത്. ട്രാഫിക് നിയമലംഘനം നടത്തിയ
ധനുഷിന്റെ മകന് 17 വയസ് മാത്രമേ ആയിട്ടുള്ളു.

17 കാരനായ യാത്രരാജ് വാഹനമോടിച്ച് പോകുന്നതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിച്ചിരുന്നു. ഇത് ശ്രദ്ധയിൽപ്പെട്ടതോടെയാണ് പോലീസ് കേസെടുത്തത്. എന്നാൽ വീഡിയോ ദൃശ്യത്തിൽ നമ്പർ പ്ലേറ്റ് വ്യക്തമായിരുന്നില്ല. വിമർശനങ്ങൾ ഉയർന്നതോടെ പോലീസ് സംഭവത്തിൽ അന്വേഷണം നടത്തുകയായിരുന്നു. പിന്നാലെയാണ് വീഡിയോയിൽ ഉണ്ടായിരുന്നത് താരപുത്രൻ ആണെന്ന് കണ്ടെത്തിയത്.

തുടർന്ന് പോലീസ് മേൽനടപടികൾ എടുക്കുകയായിരുന്നു. പ്രായപൂർത്തിയാകാത്ത യാത്രരാജിന് ലൈസൻസ് ഉണ്ടായിരുന്നില്ല. ഇതിനൊപ്പം വാഹനമോടിക്കുന്ന സമയം കുട്ടി ഹെൽമറ്റും ധരിച്ചിരുന്നില്ല. താരപുത്രൻ ആയതിനാൽ തന്നെ സംഭവം വലിയ രീതിയിൽ തന്നെ വാർത്തയായി.