ഇന്ധനവില വര്ധനവുമായി ബന്ധപ്പെട്ടു കോൺഗ്രസ്സ് നടത്തിയ സമരത്തിൽ പ്രതിഷേധിച്ച നടന് ജോജു ജോര്ജിന്റെ വാഹനം തല്ലിത്തകര്ത്തവര്ക്കെതിരെ കേസെടുത്ത് പൊലീസ്. ജോജുവിന്റെ വാഹനം തകര്ത്തവര്ക്കെതിരെയും സംഘര്ഷമുണ്ടാക്കിയ കോണ്ഗ്രസ് പ്രവര്ത്തകര്ക്കെതിരെയുമാണ് കേസെടുത്തത്.
അതേസമയം കോണ്ഗ്രസ് നടത്തിയ വഴി തടയല് സമരത്തില് ജോജുവിന്റെ ഇടപെടലില് പ്രതിഷേധിച്ച് യൂത്ത് കോണ്ഗ്രസ് പ്രവര്ത്തകര് ജോജു ജോര്ജിന്റെ തൃശൂര് മാളയിലെ വീട്ടിലേക്ക് മാര്ച്ച് നടത്തി. ജനങ്ങളെ ബാധിക്കുന്ന ഒരു പ്രശ്നത്തിനെതിരെ സമരം നടത്തിയവരെ അപമാനിക്കുന്ന തരത്തിലുള്ള നീക്കമാണ് ജോജുവിന്റെ ഭാഗത്തുനിന്നുണ്ടായതെന്ന് പ്രതിഷേധക്കാര് പറഞ്ഞു. വീടിനുമുന്നില് ബാരിക്കേഡ് വെച്ച് പൊലീസ് പ്രതിഷേധക്കാരെ തടഞ്ഞു.
ഇന്ന് രാവിലെയാണ് ഇടപ്പള്ളി-വൈറ്റില ദേശീയ പാതയില് ഇന്ധനവില വര്ധനവില് പ്രതിഷേധിച്ച് കോണ്ഗ്രസ് പ്രവര്ത്തകര് വഴി തടയല് സമരം നടത്തിയത്. എന്നാല് ദേശീയ പാതയില് രൂക്ഷമായ ഗതാഗത തടസം നേരിട്ടതോടെയാണ് നടന് ജോജു ജോര്ജിന്റെ പ്രവേശനം. കാറില് നിന്നിറങ്ങിയ ജോജുവും പ്രതിഷേധക്കാരും തമ്മില് വാക്കേറ്റമുണ്ടായി.
കോണ്ഗ്രസിനെ നാണം കെടുത്താനുള്ള സമരമാണെന്നും ജനജീവിതം ബുദ്ധിമുട്ടിലാക്കരുതെന്നും ജോജു പറഞ്ഞു. ജോജുവിന്റെ കാര് പ്രതിഷേധക്കാര് അടിച്ചുതകര്ത്തു. അതേസമയം ജോജു മദ്യപിച്ച് സമരം സംഘര്ഷത്തിലാക്കാന് ശ്രമിച്ചെന്നും മഹിളാ കോണ്ഗ്രസ് പ്രവര്ത്തകരോട് അപമര്യാദയായി പെരുമാറിയെന്നും ആരോപിച്ച് മുതിര്ന്ന നേതാക്കളടക്കം രംഗത്തെത്തി. തുടര്ന്ന് പൊലീസ് ഇടപ്പെട്ടാണ് നടനെ പ്രതിഷേധക്കാരുടെ ഇടയില് നിന്ന് മാറ്റിയത്. അതിനിടെ വൈദ്യപരിശോധനയില് ജോജു ജോര്ജ് മദ്യപിച്ചിട്ടില്ലെന്ന് സ്ഥിരീകരിച്ചു.
തിരുവനന്തപുരം: പാറശാലയില് പാറമട വ്യവസായിയെ കഴുത്തറത്ത് കൊലപ്പെടുത്തിയ സംഭവത്തിൽ പ്രതിക്ക് സര്ജിക്കല് ഉപകരണങ്ങള് നല്കിയ സ്ഥാപനത്തിനെതിരെ ഡ്രഗ്സ് കണ്ട്രോള് വിഭാഗം…
കൊച്ചി: കരുവന്നൂര് കള്ളപ്പണ ഇടപാട് കേസില് സിപിഎമ്മിനെ പ്രതിചേര്ത്ത് ഇഡി. കരുവന്നൂരില് നിന്ന് തട്ടിയെടുത്ത പണം പാര്ട്ടി കൈപ്പറ്റിയെന്നാണ് ഇഡിയുടെ…
പീഢന കേസ് പ്രതി പിണറായിയുടെ കൂട്ടുകാരൻ എങ്കിൽ അറസ്റ്റ് ചെയ്യില്ലേ... ഇത് ഇപ്പോൾ കൊല്ലത്തേ സമരക്കാർ ചോദിക്കുന്നു.ഗർഭിണിയായ യുവ അഭിഭാഷകയെ…
ഇതിൽപ്പരം ഒരു നാണക്കേട് പിണറായിക്കു വരാറുണ്ടോ ‘യുവതയോട് – അറിയണം പിണറായിയെ എന്ന് പറഞ്ഞ സംവിധായകൻ തിരുത്തുന്നു യുവാക്കൾ അദ്ദേഹത്തെ…
എസഡ് കാറ്റഗറിയും, കരിമ്പൂച്ചകളുടെ സുരക്ഷയും തകർത്ത ആർ എസ് എസ് ഓപ്പറേഷനാണ് ഇത്. എങ്ങിനെയാണ് ആർ എസ് എസ് ഒരു…
കണ്ണൂർ CPM ജില്ലാ കമ്മറ്റി അംഗമായിരുന്ന മനു തോമസ് നടത്തുന്ന വെളിപ്പെടുത്തലുകളിൽ പ്രതികരിച്ച് എഴുത്തുകാരി അഞ്ജു പാർവ്വതി പ്രബീഷ്. മനു…