‘ജയിലിൽ കഴിയുന്ന പോപ്പുലർ ഫ്രണ്ട്കാർക്ക് സെൽ ഫോണും ബീഡികെട്ടും’

കണ്ണൂർ. സെൻട്രൽ ജയിലിൽ നിരോധിത ഭീകര സംഘടനയായ പോപ്പുലർ ഫ്രണ്ടിന്റെ പ്രവർത്തകർക്ക് ബീഡിവേണം. വിവരം ആരുമറിയാതെ ജയിലിനു പുറത്തുള്ള സഹപ്രവർത്തകരെ ഫോണിൽ അറിയിച്ചു. കഴിഞ്ഞ ദിവസം പോപ്പുലർ ഫ്രണ്ട് പ്രവർത്തകരെ കാണാനായി വളപട്ടണം സ്വദേശി അബ്ദുൾ അസീസ് ജയിലിൽ എത്തി. പരിശോധനയിൽ ഇയാളിൽ നിന്ന് ബീഡികെട്ടുകൾ പിടിച്ചു.

തുടർന്ന് നടന്ന അന്വേഷണത്തിലാണ് ആറാം ബ്ലോക്കിൽ നിന്നാണ് ബീഡിക്കായി ഫോൺ ചെയ്തിരുന്ന വിവരം അറിയുന്നത്. എൻഐഎ പരിശോധനയുടെ പേരിൽ പോപ്പുലർ ഫ്രണ്ട് സംസ്ഥാനത്ത് നടത്തിയ ഹർത്താലിൽ അക്രമം അഴിച്ചുവിട്ട പ്രതികളെയാണ് ആറാം ബ്ലോക്കിൽ പാർപ്പിച്ചിരിക്കുന്നത്. പിടിക്കപ്പെടാതിരിക്കാൻ തെങ്ങിന് മുകളിലാണ് ഫോൺ ഒളിപ്പിച്ച് വെച്ചിരിക്കുകയായിരുന്നു. ഫോണുകൾ ഒടുവിൽ പിടികൂടി.

സെൻട്രൽ ജയിലിൽ നിരോധിത ഭീകര സംഘടനയായ പോപ്പുലർ ഫ്രണ്ടിന്റെ പ്രവർത്തകരെ പാർപ്പിച്ച ബ്ലോക്കിൽ നിന്നും മൊബൈൽ ഫോണുകൾ ഉദ്യോഗസ്ഥർ പിടിച്ചെടുത്തു. ജയിലിലെ ആറാം ബ്ലോക്കിൽ നിന്നായിരുന്നു ഫോൺ പിടിച്ചെടുത്തത്. മൂന്ന് ഫോണുകളാണ് പിടിച്ചെടുക്കുന്നത്.

കഴിഞ്ഞ ദിവസം പോപ്പുലർ ഫ്രണ്ട് പ്രവർത്തകരെ കാണാനായി വളപട്ടണം സ്വദേശി അബ്ദുൾ അസീസ് ജയിലിൽ എത്തുകയായിരുന്നു. ഇയാളുടെ പക്കൽ ബീഡി ഉണ്ടായിരുന്നു. ഇയാളെ പിടികൂടി ചോദ്യം ചെയ്തതിലാണ് ജയിലിൽ ഫോൺ ഉണ്ടെന്ന് സ്ഥിരീകരിക്കുന്നത്. ഇതോടെ പരിശോധന ആരംഭിക്കുകയായിരുന്നു. ബീഡി ആവശ്യപ്പെട്ട് തന്നെ ഫോണിൽ വിളിച്ചെന്ന് ആയിരുന്നു അബ്ദുൾ അസീസ് പോലീസിനോട് പറയുന്നത്.

ബാറ്ററി ഊരി മാറ്റിയായിരുന്നു ഫോൺ തെങ്ങിൽ സൂക്ഷിച്ചിരുന്നത്. ജയിലിൽ ഇവരെ സന്ദർശിക്കാൻ എത്തിയവരാണ് ഇത് നൽകിയത് എന്നാണ് വിവരം. സംഭവത്തിൽ പോലീസ് അന്വേഷണം നടക്കുകയാണ്. പ്രതികൾ ഫോൺ ഉപയോഗിച്ചോയെന്ന കാര്യമാണ് പ്രധാനമായും പരിശോധിക്കുക.