ചന്ദ്രയാൻ-3 ചന്ദ്രന്റെ ഭ്രമണപഥത്തിന്‌ 100 കിമീറ്റർ അടുത്തേക്ക് എത്തുന്നു

ഇന്ത്യയുടെ അഭിമാന പദ്ധതിയായ ചന്ദ്രയാൻ-3 ചന്ദ്രന്റെ ഭ്രമണപഥത്തിന്‌ തൊട്ട് അടുത്ത് എത്തി.ചന്ദ്രയാൻ-3  വൃത്താകൃതിയിലുള്ള ഭ്രമണപഥത്തിത്തിന്റെ 100 കിലോമീറ്റർ അടുത്തേക്കാണ്‌ ഇപ്പോൾ എത്തിക്കുന്നത് എന്ന് ഐ എസ് ആർ ഒ അറിയിപ്പിൽ പറയുന്നു.ചന്ദ്രനിൽ നിന്ന് ഏറ്റവും അകലെയുള്ള കാന്തിക വലയം ആയ അപ്പോലൂൺ ചന്ദ്ര ഉപരിതലത്തിൽ നിന്നും 1,437 കിലോമീറ്റർ അകലെയാണ്‌. ഇത് മറികടന്ന് ചന്ദ്രന്റെ അടുത്തേക്ക് നീങ്ങുകയാണ്‌ അടുത്ത നീക്കം. ഇതോടെ പേടകത്തിന്റെ വേഗത വിജയകരമായി കുറയച്ചിട്ടുണ്ട്.ചന്ദ്രയാൻ -3 ബഹിരാകാശ പേടകം ചന്ദ്ര ഉപരിതലത്തിന്റെ അടുത്തേക്ക് നീങ്ങുന്നു.

ഓർബിറ്റ് സർക്കുലറൈസേഷൻ ഘട്ടം ഇതോടെ ആരംഭിച്ചു.ചന്ദ്രയാൻ 3ന്റെ ഇന്നത്തേ നിയന്ത്രണ ഓപ്പറേഷനിൽ പേടകം 150 കിലോമീറ്റർ X 177 കിലോമീറ്റർ വൃത്താകൃതിയിലുള്ള ഭ്രമണപഥത്തിലെത്തി. അടുത്ത ഓപ്പറേഷൻ 2023 ഓഗസ്റ്റ് 16 ന് രാവിലെ 8.30 ന് ആസൂത്രണം ചെയ്തിട്ടുണ്ട് എന്ന് ഇസ്രോ പറഞ്ഞു.

ഭ്രമണപഥം താഴ്ത്തുന്നതിനുള്ള ഓരോ തന്ത്രങ്ങളുടെയും നിർണായക വിശകലനം നടത്തി, മറ്റ് ചാന്ദ്ര ഓർബിറ്ററുകളുമായുള്ള അടുപ്പം മൂലം അപകട സാധ്യതയും വിലയിരുത്തുന്നുണ്ട്.ഓഗസ്റ്റ് 9 നാണ്‌ ഇസ്രോ ചന്ദ്രയാൻ -3 നെ 174 X 1437 കിലോമീറ്റർ അടുത്തേക്ക് എത്തിച്ചത്.ദീർഘവൃത്താകൃതിയിലുള്ള ചാന്ദ്ര ഭ്രമണപഥത്തിൽ, ബഹിരാകാശ പേടകത്തിന്റെ ഉയരം അപ്പോലൂണിൽ 18,074 കിലോമീറ്ററിൽ നിന്ന് 4,313 കിലോമീറ്ററായി കുറച്ചിരുന്നു.