കൃഷ്ണകുമാർ അപമര്യാദയായി പെരുമാറി , പരാതിയുമായി മഹിളാ കോൺഗ്രസ് നേതാവ് , കേസെടുത്ത് പോലീസ്

തിരുവനന്തപുരം: ഡിഡിസി ജനറൽ സെക്രട്ടറിയും മഹിളാ കോൺ്ഗ്രസ് മുൻ സംസ്ഥാന അദ്ധ്യക്ഷ ബിന്ദു കൃഷ്ണയുടെ ഭർത്താവുമായ കൃഷ്ണകുമാറിനെതിരെ പരാതിയുമായി മഹിള കോൺഗ്രസ് നേതാവ്. കെപിസിസി ആസ്ഥാനത്ത് വെച്ച് കൃഷ്ണകുമാർ അപമര്യാദയായി പെരുമാറിയെന്ന മഹിളാ കോൺഗ്രസ് നേതാവ് സുനിതാ വിജയന്റെ പരാതിയിൽ കൃഷ്ണകുമാറിനെതിരെ ണ് മ്യൂസിയം പോലീസ് കേസെടുത്തു.

കേസിനാസ്പദമായ സംഭവം ഉണ്ടാകുന്നത് ചൊവ്വാഴ്ചയാണ്. . കെപിസിസി ആസ്ഥാനത്ത് വെച്ച് കൃഷ്ണകുമാർ തന്നോട് അപമര്യാദയായി പെരുമാറിയെന്നാണ് സുനിതാ വിജയൻ നൽകിയ പരാതിയിൽ പറയുന്നത്. കൃഷ്ണകുമാർ കേട്ടാൽ അറയ്‌ക്കുന്ന തെറികൾ പറഞ്ഞതായും പരാതിയിലുണ്ട്. മഹിളാ കോൺഗ്രസ് ഭാരവഹി തർക്കമാണ് പ്രശ്നങ്ങൾക്ക് കാരണമായതെന്നാണ് വിവരം.

മഹിളാ കോൺഗ്രസ് ജില്ലാ അദ്ധ്യക്ഷ പദവിയിൽ മേശ് ചെന്നിത്തല വിഭാഗം നേതാവ് സുനിതാ വിജയനെയാണ് പരിഗണിച്ചിരുന്നത്. ബിന്ദുകൃഷ്ണ ഇടപെട്ട് ഇത് വെട്ടിയെന്നാണ് ആരോപണം. പിന്നാലെയാണ് പ്രശ്നങ്ങൾ ഉടലെടുത്തത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.