​ഗർഭിണി വേദനകൊണ്ട് പുളഞ്ഞിട്ടും പരിശോധിച്ചില്ല, യുവതി നടക്കവേ പ്രസവിച്ചു, ശിശുവിന് പരിക്ക്

കൊല്ലം ഇഎസ്‌ഐ ആശുപത്രി അധികൃതരുടെ അനാസ്ഥയിൽ നവജാത ശിശുവിന് ​ഗുരുതര പരിക്കേറ്റതായി പരാതി. പൂർണ ​ഗർഭിണിയായ യുവതി വേദനകൊണ്ട് പുളഞ്ഞിട്ടും ആശുപത്രി അധികൃതർ പരിശോധിച്ചില്ല. കൊല്ലം ഉളിയക്കോവിൽ സ്വദേശി വിജിക്കാണ് ഈ ദുരവസ്ഥ നേരിട്ടത്. രക്തം പോകുന്ന അവസ്ഥവരെ എത്തിയിട്ടും ഗർഭിണിയെ ലേബർ റൂമിലേക്ക് മാറ്റുകയോ ‍ഡോക്ടറെത്തി പരിശോധിക്കുകയോ ചെയ്തില്ല. ഇതിനിടെ യുവതി ബാത്ത്റൂമിലേക്ക് നടന്നുപോകുമ്പോൾ പ്രസവം നടക്കുകയും കുഞ്ഞ് നിലത്ത് വീഴുകയും ചെയ്തു. കുഞ്ഞിൻറെ ആരോഗ്യനില മോശമായതോടെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റിയിരിക്കുകയാണ്

കഴിഞ്ഞ ദിവസമാണ് വിജിയെ ആശുപത്രിയിൽ അഡ്മിറ്റ് ചെയ്തത്. രാത്രിയോടെ പ്രസവ വേദന തുടങ്ങി. ഡ്യൂട്ടിയിലുണ്ടായിരുന്ന നഴ്സുമാരെ വിവരം അറിയിച്ചു. ഇതൊക്കെ സാധാരണമെന്നായിരുന്നു മറുപടി. വേദന കൂടിയിട്ടും അലറിക്കരഞ്ഞിട്ടും ആരും എത്തിയില്ലെന്ന് വിജിയുടെ അമ്മ പറയുന്നു.

നിലത്തുവീണ കുട്ടിയെ അരമണിക്കൂർ കഴിഞ്ഞെത്തിയ ഡോക്ടർ പരിശോധിച്ച്‌ കുഴപ്പമൊന്നുമില്ലെന്ന് അറിയിച്ചെങ്കിലും അൽപ സമയത്തിനുശേഷം കുട്ടിയുടെ ആരോഗ്യനില വഷളാവുകയായിരുന്നു. കുട്ടിയുടെ വായിൽ നിന്ന് നുരയും പതയും വരുകയും ഹൃദയമിടിപ്പിൽ വ്യത്യാസം ഉണ്ടാവുകയും ചെയ്തുവെന്ന് കുടുംബം പറയുന്നു

അതേസമയം, വീഴ്ചയിൽ കുട്ടിക്ക് പ്രശ്നങ്ങളൊന്നും ഉണ്ടായിട്ടില്ലെന്നാണ് ഇഎസ്‌ഐ ആശുപത്രി അധികൃതരുടെ വിശദീകരണം. സംഭവത്തിൽ പൊലീസിലും മനുഷ്യാവകാശ കമ്മീഷനും പരാതി നൽകാനൊരുങ്ങുകയാണ് കുടുംബം.

. പ്രസവ വേദന തുടങ്ങി രക്തംപോകുന്ന അവസ്ഥയിലെത്തിയിട്ടും ഗർഭിണിയെ ലേബർ റൂമിലേക്ക് മാറ്റുകയോ ‍ഡോക്ടറെത്തി പരിശോധിക്കുകയോ ചെയ്തില്ല. ഇതിനിടെ യുവതി ടോയ്ലെറ്റിലേക്ക് നടന്നുപോകുമ്ബോൾ പ്രസവം നടക്കുകയും കുഞ്ഞ് നിലത്ത് വീഴുകയും ചെയ്തു. കുഞ്ഞിൻറെ ആരോഗ്യനില മോശമായതോടെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റിയിരിക്കുകയാണ്.