പാണക്കാട് കുടുംബത്തിനെതിരേ ഗുരുതര ആരോപണം, ലീഗ് നേതാവ് ബഷീറലി മറ്റ് സംസ്ഥാനങ്ങളിൽ നിന്നും സ്ത്രീകളേ എത്തിച്ചു

പാണക്കാട് കുടുംബത്തിനെതിരേ ഗുരുതര ആരോപണവുമായി മുൻ എം എസ് എഫ് നേതാവ് മുഹമദ് റോഷൻ. കർമ ന്യൂസിന് അനുവദിച്ച പ്രത്യേക അഭിമുഖത്തിലാണ് ഞെട്ടിക്കുന്ന വെളിപ്പെടുത്തൽ. പാണക്കാട് മുഹമദലി ശിഹാബ് തങ്ങളുടെ മൂത്ത മകൻ പാണക്കാട് ബഷീറലി തങ്ങൾ മറ്റ് സംസ്ഥാനത്ത് നിന്നും സ്ത്രീകളേ കൊണ്ടുവരുന്നു. ചത്തീസ്​ഗഢ് പോലെയുള്ള സംസ്ഥാനങ്ങളിൽ നിന്ന് സ്ത്രീകളെ കൊണ്ടുവരുന്നതിന്റെ വ്യക്തമായ തെളിവുണ്ട്. അവരെ അനാശാസ്യത്തിനുപയോഗിക്കാൻ വിമാന ടികറ്റും, ഹോട്ടലും ബുക്ക് ചെയ്ത് കൊണ്ടുവന്ന് മറ്റുള്ളവർക്കും നല്കുന്നു. ബാങ്ക് സെറ്റേറ്റ്മെന്റാണ് തന്റെ കയ്യിൽ ഉള്ളതെന്നും അത് കള്ളമാവില്ലല്ലോയെന്നും റോഷൻ വെളിപ്പെടുത്തി.

പാണക്കാട് സെയ്ദ് ബഷീറലി ശിഹാബ് തങ്ങളും അയാളുടെ ബിനാമിയും ചേർന്ന് ഒരു കോടിയിലധികം രൂപ വാങ്ങി എന്നും തിരികെ തരുന്നില്ലെന്നും റോഷൻ പറഞ്ഞു. പണം ചോദിച്ചപ്പോൾ ഭീഷണിപ്പെടുത്തുകയാണുണ്ടായത്. വീട്ടിലേക്ക് വടിവാളും വെട്ട് കത്തിയുമായി വാഹനത്തിൽ ഗുണ്ടകളേ അയച്ചു. താൻ ഇപ്പോൾ മരണത്തിന്റെ വക്കിലാണ്. എന്നെയും എന്റെ വീട്ടുകാരേയും പാണക്കാട് സെയ്ദ് ബഷീറോ അയാളുടെ ഗുണ്ടകളോ വധിക്കും. പാണക്കാട് കാർക്ക് കാര്യമായ ഒരു പണിയും ബിസിനസുമില്ല. പിന്നെ എവിടെ നിന്നാണ്‌ ഇവർക്ക് ഇവർക്ക് കോടാനുകോടികൾ എത്തുന്നത്.

എവിടെ നിന്നാണ്‌ കണകറ്റ സമ്പത്ത്. ഇത് ദേശീയ അന്വേഷണ ഏജൻസി അന്വേഷിക്കണം, പാണക്കാട് കുടുംബത്തിനെതിരെ ഇന്നു വരെ പോലീസോ വിജിലൻസോ എന്തുകൊണ്ട് ഒരു കേസോ അന്വേഷണമോ നടത്തുന്നില്ല. മലപ്പുറം പെരിന്തൽമണ്ണ പോലിസ് സ്റ്റോഷനിൽ പരാതി നൽകിയിട്ടുണ്ട്. അതിന്റെ പകർപ്പ് തന്റെ കൈവശം ഉണ്ട്. ഏപ്രിൽ നാലിന് പരാതി നൽകിയെന്നും ഇതുവരെ അവർ വിളിച്ചിട്ടില്ലെന്നും അദ്ദേഹം വ്യക്തമാക്കി.